ل بیرەوەریا 14 سالیا وەشاندنا ژمارا ئێكێ ژ دەنگێ لالش
سەعید جردۆ متو
راگەهاندن شیرێ دودەڤە ئەگەر ب شارەزایی وپرۆفێشینالی سەردەری دگەل نەهاتە كرن رەنگە ل شوونا كارتێكرنەكا ئەرێنی خرابیێ ل شوون خۆڤە بهێلت،و هەلبەت وی دەمی ئەنجام وێ دنەرێنی بن،گۆتنا مە ژبۆ هەموو جۆرێن راگەهاندنێ یە ب دیتن یان بیستن یان خووندن بت،لەوما هەر ژ ئێكەم ژمارا دەنگێ لالش ئەڤ یەك هاتە بەرچاڤكرن وهەموو هەول هاتنە دان كو بتنێ دەنگێ لالش دەنگێ ئالیێ ئەرێنی بت ژ جڤاكا كوردستانی ب گشتی و یا ئێزدی ب تایبەتی لدوڤ پلانا كارێ خۆ كو ئەو ژی بەلاڤكرنا بەرهەمێن نڤیسەر وئەدەب دۆستایە ب هەردوو زمانێن كوردی وئەرەبی،دیسان راپۆرت ودەنگ وباس وچالاكی وفلكلۆر وبابەتێن جۆرا وجۆر و هەر چەندە دڤی دەمێ درێژ ژ تەمەنێ خۆ رۆژناما دەنگێ لالش ل گەلەك وێستگەهارا دەربازبوویە لێ هەردەم سیاسەتا خۆ یا راگەهاندنێ پاراستیە،رۆژناما دەنگێ لالش دەستپێكێ ب چار لاپەران هاتیە وەشاندن وپاشی بوویە هەشت لاپەر وهەول دبەردەوامن كو لگۆر شیانێن بەردەست دەنگێ لالش هەردەم پێشڤە بچت،جیێ شانازیێ یە دەنگێ لالش كاریە بەرنگاریا هەموو قەیرانا ببت و بۆ دەمێ چاردە سالێن بێ سەكناندن بەردەوامیێ ب كاروانێ خۆ بدەت بەرەف ئاڤاكرنا جڤاكەكا بەختەوەر وپێشكەفتی،ل داویێ ئەم دەست خۆشیێ ل هەركەسەكی دكەین پشكداری ل سەركەفتنا دەنگێ لالش كربت چ وەكو دەستەیا نڤیسینێ یان نڤیسەر و پالپشت دگەل داخوازا گەشبوونا بەردەوام بۆ رۆژناما دەنگێ لالش.
تُتاح هذه الصورة أيضا في: کوردی
