تۆرا لالش
کۆنگرەیێ ئێکگرتنێ یێ هەر دو ڕێکخراوێن قوتابیان و لاوان یێن پارتییا دیمۆكراتا کوردستانێ دا، كو ڕۆژا پێنجشەمبێ ل 15/5/2025ێ، ل هەولێرێ ب ڕێڤه‌چوو، سەرۆك بارزانی پەیامەک پێشکێشی 260 ئەندامێن کۆنگرەیێ و هەموو جەماوەرێ کوردستانێ کر.
سەرۆك مەسعود بارزانی د پەیاما خوە دا بەحسا ڕۆلێ ڤان دو ڕێکخراوان (ئێكه‌تیا قوتابیێن كوردستانێ و ئێكه‌تیا لاوێن دیموكراتا كوردستانێ) کر، ب تایبەتی رۆلێ وان د هەر دو شۆڕه‌شێن پیرۆز، شۆرەشا ئه‌یلول و گوڵانێ و شەڕێ دژی داعشێ بلند نرخاند، سەرۆک بارزانی گوت: د ئەرکێ خوە دا بەردەوام بن و کارێ زێدتر بکەن و ل سەر بیروباوەڕێن پیرۆز یا ڕێبازا بارزانی و باوەری ب خوەبوونێ، بۆ چاندنا وان هێڤی و ئومێدان ب هێزکرنا فەلسەفا ئینتمائێ بۆ نیشتمانی د به‌رده‌وام بن.
سەرۆك بارزانی د پەیاما خوە دا ئاماژە ب ڕۆلێ بەرچاڤ یێ گەلێ کوردستانێ دا، ل دەمێ ژناڤبرنا ڕژێما دیکتاتۆری و گەلێ کوردستانێ دگەل ئیراقـا نوو دانانا دەولەتەکا فەدەرال، كو باوەڕی ب فرە نەتەوەیێ هەبوویه و تێدا ب لۆژیکی و هەڤبەشی و هەڤسەنگی و سازان بهێتە پەیڕەکرن.
یا پێدڤیتر دەربارێ ناڤخوەیا هەرێما کوردستانێ، سەرۆك بارزانی دیارکر كو ئەگەر هەرێما کوردستانێ دڤێت بەرەڤ ئێکبوونەکا زێدەترڤە بچت دڤێت مە ئێك هەرێم، ئێك پەرلەمان، ئێك حکوومەت، ئێک هێزا پێشمەرگەی هەبت.
دیسان نەتەوەسازی و نیشتمانسازی پرۆسەیەکا مێژوویی و کۆمەلایەتی یه ماوێ وێ یێ درێژە و چ گومان تێدا نینە دێ گەنجان ڕۆلەکێ ئەرێنی هەبت دئاڤاکرنا جڤاکی دا بۆ گەشەپێدان و پێشخستنا شارستانیەتێ، چونکە هێزا گەنجان د پرۆسەیا پێشکەفتنا جڤاکی دا و ب داهێنانێن خوە دێ كارن هەرێما کوردستانێ و ناڤچەیێ بەرەف ئاشتی و سەقامگیریێ ب بەن، هەروەسا گرینگیدان ب سیاسەتا باش دێ ئاشتی باشتر بەرقەڕار بیت.
سەرۆك بارزانی گرنگی دا سەر مافێن هەرێما کوردستانێ ل بەغدایێ د چوارچوڤەیێ بەردەوام بو دادپەروەری و یەکسانی سەرەدەریکرن د ناڤبەرا حكومەتا هەرێما كوردستانێ و حکوومەتا فەدەرال دا، ب تایبەتی ژ لایێ بودجە و دابەشکردنا داهات و سامانێ هەرێمێ بو رێڤەبرنا کاروبارێن خوە و نە دادپەروەرییا سیاسی و پێشێلکرنا مافی نەتەوا کورد و جینۆساید و ئەنفال و کیمیاباران و ڤەگۆهاستنا ب زۆری و ژنافبرنا گوند و وێرانکرن خوینرێژتن، ئەڤە هەموو کارێن سەرەکی یێن ڕژێما دکتاتۆر بوون. سەرۆك بارزانی گرنگی دا وێ چەندێ و گوت: ژ ئەڤرۆ پێڤە ئەم ڤێ چەندێ قەبیل ناکەین ژ بەغدایێ وەکی هەیڤێن بوری، سەرەدەریێ دگەل مووچە و فەرمانبەرێن هەرێما کوردستانێ بکەن، چونکە ئەڤ جۆرە سەرەدەریە وەکۆ ئیهانەیەکێ یە ب خوێنا شەهیدان و خەباتا گەلی کوردستانێ و مێژوویا پڕ سەروەریا میللەتێ کورد.
لاوان و قوتابی نهێنیا هێزا گەلانە و سەرکەفتن و پاراستنا ئاخ و نیشتمانی نه، ئەو دێ كارن کوردستانێ بەرەف پێشڤەببەن بەرەڤانیێ بکەن و خەونا داگیرکەران بشکێنن و هەر ئەو گەنجن دێ كارن پاشەرۆژێ دروست بکەن.
زێده‌باری زێدبوونا رێژا ژنان د ناڤ ڕێکخراوا لاوان و قوتابیان و ل نافخوەیا پارتی دیمۆكراتی كوردستان دێ بیتە ئەگەرێ پێشکەفتنا زیاتدەر بۆ کۆمەڵگەهێ و کوردستانەکا هۆشیارتر.
تُتاح هذه الصورة أيضا في: کوردی
