تۆرا لالش
پشتی بچوك دهێتە سەر دنیایێ بۆ ماوێ چل رۆژان قیژا قیژێ و نالە نالێ دكەت و دنیایێ نابینت دمیتۆلۆجیا ئێزدیان دا، ئەو قیژه قیژه و نالە ناله و نە دیتنا دنیایێ یه و بێریا دنیایا دی دكه‌ت.
ئەو دنیایا ژێ هاتی (بەهشت)ە، چونكی ئێزدیان باوەری ب كراس گهۆرینێ یا هەیی و روحا وی/وێ یا كەفتی یە بەر بەدەنێ مرۆڤی دا ژ بەر هندێ دبێژن ئەو روح یا ژ بەهشتێ زڤری. پشتی بۆرینا چل رۆژان دێ قوربانیەكێ كەنە خێر واتە ئەو مرۆڤه بۆ میهڤانێ ڤێ دنیایێ، د سەر دەمێن كەڤن دا پشتی بۆرینا چل رۆژان ژ هەبوونا بچوكی دێ پاشی ناڤ لێ دانابە، هەتا نهو دناڤ بەشەك ژ ئێزدێن جورجستانێ دا ئەڤ تیتالە وا هەیی، پشتی بۆرینا چل رۆژان ژ مرنا مری ئێزدی قوربانیەكێ دكەنە خێر، چلا مری دكەن.
دمیۆلۆجیا ئێزدیان دا واتە روح گەهشتە جهێ حەق و حسابێ.
روحا ڕەحمانی
نابتە ڤانی
دێ چتە بەر دەستێ خودانێ
قوربانی دان ژ بۆ چلا بچوكی واتە روح بۆ مێهڤانه ل عەردی، قوربانی دان بۆ چلا مری واتە روح بۆ گەهشتنا جهێ حەق و حسابێ یه، چونكی د ئێزدیاتیێ دا روح زڤرینە ژ ئەسمانی بۆ ئەردی شێوێ بازنەیە دبێژنێ (زڤروكا روحێ).
تُتاح هذه الصورة أيضا في: کوردی
