بنگەهێ لالشێ سنونێ پەرتۆکا خەونا من ئیمزاکر
تۆرا لالش
ژبەركو بنگەهێ لالش هەر دەم ل هه‌موو بیاڤان دا د خزمەتا مللەتێ خوە دایه له‌وران ل رۆژا ئێکشەمبێ ل رێكه‌فتی ٢٠٢٥/١١/٢ ل هۆلا لالش شاریا-٢ ب ئامادەبوونا به‌رێزان سعید جردو سەرۆکێ بنگەهێ لالش و ئەندامێن دەستەیا بلند و کۆمەکا رەوشەنبیرێن دەڤەرێ، بنگەهێ لالش تایێ سنوونێ رابوو ب سازکرنا ئیمزاکرنا پەرتۆکا(خەونا من) یا هۆزانڤان خودێدا کرتوو.
ل دەستپێکا ئاهنگێ ئامادەبوویی خۆلەکەكێ بۆ گیانێ پاكێ شه‌هیدان سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین، دووڤدا بەرێز سلیمان فانو سەرۆکێ بنگەهێ لالش تایێ سنونێ پەیڤا بخێرهاتنێ پێشکێشکر و پاشان به‌رێز سه‌عید جردۆ بەیڤا بنگەهێ لالش پێشكێشکر.
دووڤدا خودانێ پەرتۆکێ کورتیەک ل سەر پەرتۆکا خوە پێشکێشکر و مەرەم ژ چێکرنا وێ دیارکر و هاتە خەلاتکرن ژ لایێ بنگەهێ لالش ڤە و ل دوماهیکا ئاهنگێ ژی پەرتۆکێن ناڤبری ب سه‌ر ئاماده‌بوویان ڤه هاتنه دابه‌شكرن.
تُتاح هذه الصورة أيضا في: کوردی
