تۆرا لالش
شیخادی یا گۆتی:
توو ب خێر هاتی بوقەتار بابێ بابا
مەزنێ چەندی سەحابا
بۆقەتار یان ژی دبێژنێ (مێرێ كولێ) ئێكە ژ خاس و چاكێن ئێزدیان تایبەتە ب هۆزا دنا ڤە، تاج و حلە ل بەر خوە دكەت، شێوێ چرایێ بۆقەتار وەكی تاووسێ یە، قەبارێ وی ژ یێ تاووسێ بچووكترە، ل سەر سەرێ وی وەكی ترارەكی یە چار چویك ژێ دچن و مارەك.
هەروەسا شەربك ژی دگەلە، هەر ساڵ وەرزێ پایزێ قوناغا چرایێ بۆقەتاری ل ناڤ هۆزا دنا دگەریێت، ل سەر دەمێن كەڤنار دە ب دەف و شبابان ڤه دهاتە قوتاغ كرن و قەول و بەیت و دوعا و درۆزه دهاتنە گۆتن.
ئەو كەسێن دچنە بەر چرایی زیارەتی دبن هەر ئێك ژ لایێ مێجورێ بۆقەتار خەلاتەكی ددەتێ دبێژنێ تەسكەرە و رەنگێ تەسكەرێ یێ (سۆرە). لگەل گوندێن ئێزدیان نیشانگەهێن بۆقەتار هەینە مینا لالشێ (شكەفتا بۆقەتار) هەیە و ل گوندێ خانكا كەڤن، لجەم ئێزدیان بۆقەتار ب خودانێ كولێ دهێتە ناسین، چونكی بۆقەتار بەرگرییێ ژ ئێزدیان دكەت و داخوازا ساخ و سەلامەتیێ بۆ وان دخوازت دور بن ژ دەرد و بەلایە و مجێورێ بۆقەتاری دەمێ دچتە مالێن ئێزدیان داخواز دكەت تفاقێ دناڤ خودا پارێزن.
تُتاح هذه الصورة أيضا في: کوردی
