رێڤەبەرێ گشتیيێ کاروبارێن ئێزدیان ئاشكراكر، ب هه‌ڵكه‌فتا هاتنا جه‌ژنا جه‌مايێ هه‌فت ڕۆژان بۆ فه‌رمانبه‌رێن ئێزدى دێ بێهنڤه‌دانا فه‌رمى بت.
سعود مستۆ، ڕێڤەبەرێ گشتیيێ کاروبارێن ئێزدیان ل وه‌زاره‌تا ئه‌وقاف و كاروبارێن ئايينى يا حکومەتا هەرێما کوردستانێ، بۆ سه‌ما دیارکر، ل دووڤ بڕیارا سەرۆکاتیا هەرێمێ، ژماره 16يا ساڵا 2010 كو تایبه‌ته ب بێهنڤه‌دانێن فه‌رمانبه‌رێن ئێزدی، ساڵانه ب هه‌ڵكه‌فتا جه‌ژنا جه‌مایێ دبته بێهنڤه‌دان.
ئاماژه ب وێ چه‌ندێ كر، ئيساله ل 6-10-2025، کو جەژنا جەمایێ دەست پێدکەت و دێ بۆ فەرمانبەرێن ئێزدی بتە بێهنڤەدان هەتا ڕۆژا 13-6-2025، جارەکا دی دێ دەست ب دەواما خۆ یا فەرمی کەن.
بڕياره ل دووشه‌مبوويا بێت ڕێوره‌سمێن جه‌ژنا جه‌مايێ ل په‌رستگه‌ها پيرۆزا لالش ب ڕێڤه‌بچن و بۆ ماوێ هه‌فتيه‌كێ دێ دبه‌رده‌وام بن.
هه‌ر ساڵ ل گه‌ڵ نێزيكبوونا جه‌ژنا جه‌مايێ ئێزدى به‌رهه‌ڤيێن خۆ ل په‌رستگه‌ها لالش دكه‌ن و ب سه‌دان ئێزدى ژ سه‌رانسه‌رى جيهانێ سه‌ره‌دانا هه‌رێما كوردستانێ دكه‌ن بۆ پشكداريكرنێ د ڕێوره‌سمێن جه‌ژنێ دا.
تُتاح هذه الصورة أيضا في: کوردی
