تۆرا لالش
رێكەفتى ٣ / ١٠ / ٢٠٢٥، ب ئامادەبوونا به‌رێزان (سه‌عید جردو) سەرۆکێ دەستەیا بلند یا بنگەهێ لالش و (سه‌ردار شێخ یحیی) قایمقامێ قەزا شێخان و (که‌ریم سلیمان) بریکارێ وەزارەتا چاندنێ و ژێدەرێن ئاڤێ و بەرێز (سالم ره‌شو) پێشمەرگەهێ دێرین و خانم (مهور عبدالعزیز) کارگێرا لقا (٢٠) و دەستەیا پێکڤەژیانێ ل قەزا شێخان و چەندین ڕێڤەبەر و بەرپرسێن میری و حزبی و ڕەوشەنبیر و ماقوول و مختار و ئەندامێن ئەنجومەنی کومەلایەتی یێ ئێزدیان ل ئێسڤنێ و ڕیهسپێن دەڤەرێ، و پشتی دگەل سروودا (ئەی ڕەقیب) ئامادەبون دەقيقەكێ سەكنين وەک ڕێزگرتن ل سەر گيانێ شەهيدێن كورد و كوردستانێ و سەروەرێ وان بارزانیێ نەمر و کاک ئدریسێ هەردەم ساخ، ڕێ و ڕەسمیێن ( ٢٢ ) ساڵيا دامەزراندنا بنگەهێ لالش یێ ڕەوشەنبیری و کۆمەڵایەتی شێخان ب چەندین بڕگا هاتە ساخكرن.
ل دەست پێکێ پەيڤا بخێر هاتنێ ژ لايێ بەرێز (ئازاد مراد) بەرپرسێ بنگەهێ لالش شێخان هاتە خوندن، تێدا (۲۲) ساڵيا دامەزراندنا بنگەهێ لالش شێخان ل هەموو ئەندام و لاینگەرێن بنگەهی پیروزکر و گوت بنگەهێ لالش شێخان كارییە ژ دەمێ دامەزراندنێ تا نهۆ چەندین چالاکیێن جۆرا و جۆر ئەنجام بدەت مینا سمینار و وورک شۆپ و قارەمانیێن وەرزشی و خۆلێن ب هێزکرنا قوتابیان و خەلات و ڕێزلێنانا کەسان و بەریکانە و ڤەکرنا پێشانگەهێن هۆنەری … هتد، هەر هۆسا دیاركر کو بنگەهێ لالش شێخان كارییە ئێکەمین گۆڤارا وەرزانە ل شێخان ب ناڤێ (چرایێ لالش) دەربێخت ب خۆبەخشیا چەندین ڕەوشەنبیران.
پاشان و د بڕگا ئێکێ دا بەرێز (که‌ریم سلێمان) سمينارەک پێشكێشكر لدۆر بابەتێ (دیروکا باژێرێ شێخان) و د سمینارا خۆدا دیروکا باژیرێ شێخان ژ لایێ مێژوویی و هەموو لاێن دیژی ڤە بو ئامادەبوویان دا خویاکرن، و ل دووماهیێ چەندین پسیار ژ بەرێزێ ناڤ هاتی هاتنە کرن ژ لایێ ئامادەبویان ڤە و ژلایێ خوڤە ژی بەرسڤا وان ب سەنگەکی بەر فرەهــ دا.
و د بڕگا دووێ دا چەندین هۆزان ژ لایێ هۆزانڤانێ گەنج (زەردەشت نوزاد مەلا خلیل مشختی) ڤە بۆ ئامادەبویان هاتنە خواندن.
و د بڕگا سێ یێ دا ب ڕێکا داتەشوویێ چەندین وێنە ژ بزاڤ و چالاکیێن بنگەهێ لالش شێخان ژ لایێ ئامادەبویان ڤە هاتنە نمایشکرن.
و د بڕگا چارێ دا ژبەر ڕۆلێ دەستەیا پێکڤەژیانێ ل قەزا شێخان و ئەنجومەنێ کومەلایەتیێ ئێزدیان ل ئێسڤنێ و ڕێڤەبەرێ لاپەرێ قەزا شێخان د فیسبوکی دا یێ بەر چاڤ ژ بۆ بەلاڤکرنا ناما پێکڤە ژیانێ ل دەڤەرێ ژ لایێ بنگەهێ لالش شێخان ڤە ب درعێ لالش یێ تایبەت هاتنە خەلاتکرن و لدووڤدا ب سوپاسیڤە ژ لایێ خوڤە مامۆستا (خالدە) رێڤەبەرا قوتابخانا ئامادەیا هەژەند یا کچان ل شێخان ب هەلکەفتا دامەزراندنا بنگەهێ ناڤ هاتی ب دەستە گولەکێ هاته خەلات کرن.
و ل دووماهیێ ئامادەبوویان پێکڤە کێکا (۲۲) ساڵیا دامەزراندنا بنگەهێ لالش شێخان شکاندن و دەست خۆشی و پیرۆزباهیێن خۆ گەهاندنا دەستەکا ڕیڤەبەرا بنگەهێ لالش شێخان.
تُتاح هذه الصورة أيضا في: کوردی
