تۆرا لالش
ل رێکەفتی (٢٠٢٥/١١/٩)ێ، ب حازربوونا به‌رێزان بەرپرسێ ریکخراوا دێرسم کاک حازم هادی و کاک حازم شاکر بەرپرسێ ریکخراوا بارزان و ژمارەیه‌کا کەسایەتیێن ده‌ڤه‌رێ، د رێ و رەسمەکا ژ هەژی دا ل باخچێ نڤیسینگه‌ها لالش ل مەهەتێ و قوتابیێ زیره‌ك و چه‌له‌نگ سامان سه‌لیم هاتە خەلاتکرن.
هێژایی گۆتنێ یه ناڤهاتی خه‌لكێ گوندێ مام ره‌شانه و ل کولیژا نۆژداریێ (کلیة الطب) هاتیە وەرگرتن و له‌وران نڤیسینگه‌ها لالش مه‌هه‌تێ رێز ل كه‌د و ماندیبوون و ئه‌نجامێن ب ده‌ستخۆڤه ئینایی گرت.
ل دەسپێکێ رێزدار مهدی حەسەن بەرپرسێ نڤیسینگه‌ها لالش ل مەهەتێ ب خێرهاتنا ئامادەبوویا کر و پەیڤەک پێشکێشکر دەستخۆشی ل سامانی و مالباتا وی کرن و گۆت سامان بۆ مه هه‌موویان جهێ شانازیێ یە گه‌نجه‌كێ ده‌ڤه‌رێ ل ڤێ پشكێ بهێـته وه‌رگرتن و ل ئاینده‌ی خزمه‌تا خه‌لك و وه‌لاتێ خۆ بكه‌ت و پشته‌ڤانێن هه‌موو قوتابیێن ده‌ڤه‌رێ ینه.
سامان سه‌لیم و هه‌موو ئاماده‌بوویان سوپاسیا نڤیسینگه‌ها ناڤبری كرن و دیاركر نڤیسینگه‌ها لالش مه‌هه‌ت به‌رده‌وام خزمه‌تا هه‌موو ته‌خ و چینێن ده‌ڤه‌رێ بێ جیاوازی دكه‌ت.
تُتاح هذه الصورة أيضا في: کوردی
