تۆرا لالش
بریاره ئیرۆ ل پیرمام ب سه‌رپه‌رشتیا سه‌رۆك مه‌سعود بارزانی كۆمبوونا حزب و لایه‌نێن سیاسی یێن كوردستانێ ده‌ستپێبكه‌ت، ئه‌وژی ژ پێخه‌مه‌ت وه‌رگرتنا ڕا و بۆچۆنێن هه‌موو ئالیان ل دۆر بڕینا موچه‌یێ فه‌رمانبه‌رێن هه‌رێما كوردستانێ ژلایێ به‌غداڤه.
د.خالیده خه‌لیل په‌یڤدارا باره‌گه‌هێ بارزانی د داخویانیه‌كێ دا دادیاركرن: داخوازنامه بۆ ته‌ڤایا ئالیێن سیاسی هاتیه هنارتن و هه‌ر بریاره‌كا ژ كۆمبوونێ ده‌ربكه‌ڤت دێ بریاره‌كا بهێزبت.
گۆتژی، ئه‌ڤا به‌غدا دكه‌ت تیرۆره به‌رامبه‌ر خه‌لكێ كوردستانێ و ئه‌ڤه دژایه‌تیكرنا فیدرالیه‌تێ یه، هه‌روه‌سان دژایه‌تیكرنا پێشكه‌فتنا هه‌رێما كوردستانێ یه، لایه‌نه‌كێ سیاسی ل عیراقێ خواستا خوه فه‌رزكرنێ ل سه‌ر ته‌ڤایا عیراقێ هه‌یه.
تێ زانین داویا هه‌فتیا بۆری وه‌زاره‌تا دارایی یا عیراقێ د نڤیساره‌كێ دا بریارا ڕاگرتنا مووچه‌یێ فه‌رمانبه‌رێن هه‌رێما كوردستانێ ده‌رخست، له‌وران ل سه‌ر داخوازا پارتی دیموكراتی كوردستان و ب سه‌رپه‌رشتیا سه‌رۆك بارزانی ئیرۆ كۆمبوونا ئالیێن سیاسی دێ ئێته ئه‌نجام دان.
تُتاح هذه الصورة أيضا في: کوردی
