تۆرا لالش
سبه‌ی رۆژا ئێك شه‌مبوویێ ل رێكه‌فتی 1/6/2025ێ پرۆسه‌يا دابه‌شكرنا مینحەیا هەیڤا پێنج(ئایارێ) یا سەرۆكوەزیران رێزدار (مەسرور بارزانی) ل هۆلا لالش ئێك ل بنگه‌هێ لالش تایێ شاریا ل ده‌مژمێر 10:00سبێ هه‌تا دووی پشتی نیڤرۆ دێ ده‌ستپێكه‌ت.
رێڤه‌به‌را مینحه‌یا دارایی ئیمان عه‌بدلله بۆ ڕاگه‌هاندنا بنگه‌هێ لالش دا دیاركرن: ل هه‌یڤا هه‌فت یا سالا بۆری ب بريارا سه‌رۆكێ حكومه‌تا هه‌رێما كوردستانێ رێزدار (مه‌سرور بارزانى)، پرۆژه‌يێ مينحه‌يا دارايى بۆ رزگاربوويێن ئێزدى ژ ده‌ستێن داعشێ هاته راگه‌هاندن و ل هه‌یڤا هه‌شت یا هه‌مان سال هاته جێبه‌جێكرن، و هه‌روه‌سان سبه‌ی ل كۆمه‌لگه‌ها شاریا مینحه‌یا دارایی دێ ده‌ستپێكه‌ت.
گۆتژی: ئه‌ڤ جاره دێ بته جارا هه‌شتێ مینحه دئێـته دابه‌شكرن، و هه‌روه‌سان د پرۆه‌ی دا و وەكو قۆناغا دەستپێكێ سێ هەزار و 575 رزگاربوویێن هه‌ردوو ره‌گه‌زان، و ژ تەمەنێن جیاواز مفاداربوون، هه‌روه‌سان پرۆژە ژلایێ بنگەهێ لالش يێ ڕه‌وشه‌نبیری و كۆمەڵایەتی دئێته ب رێڤه‌برن،هەروەسا چه‌ندین رزگاربوويى ژى دناڤا ئه‌ڤێ تيمێ دا كار دكه‌ن.
ئیمان عه‌بدلله دیار ژی كر: رزگاربوویێن ئێزدی ب ۆێیا كارته‌كا تایبه‌ت كو ژلایێ مه‌ڤه ب وان هاتینه دان مینحه‌یا خوه یا مه‌هانه وه‌ردگرن و له‌وران داخوازێ دكه‌ین رزگاربوویێن ئێزدی یێن كارتا تایبه‌ت وه‌رنه‌گرتین ل ده‌مێ سه‌ره‌دانا مه دكه‌ن بلا كارتا نشتیمانی و كارتا زانیاری و كارتا ئه‌رزاقی دگه‌ل ئینانا كتابه‌كێ ژ رێڤه‌به‌ریا رزگاركرنا ره‌ڤاندیێن ئێزدی دگه‌ل ئینانا دوو وێنه‌یان دگه‌ل خوه بینن داكو كارتا خوه یا تایبه‌ت وه‌ربگرن و هه‌گه‌ر ژ ده‌رڤه‌ی وه‌لاتی بن رزگاربوویێن ئێزدی ب رێیا ڤرێكرنا وه‌كاله‌كێ دكارن مینحه‌یا خوه یا مه‌هانه وه‌ربگرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.
تُتاح هذه الصورة أيضا في: کوردی
