تۆرا لالش
ده‌سته‌یا سه‌ربه‌خۆ یا مافێ مرۆڤی ل هه‌رێما كوردستانێ په‌یامه‌ك ل دۆر بریارا به‌غدا به‌لاڤكر و تێدا هاتیه داخوازا چاره‌سه‌ركرنا پرسا نه‌هنارتنا مووچه‌یێ فه‌رمانبه‌رێن هه‌رێما كوردستانێ ژلایێ به‌غداڤه دكه‌ین ب پالپشتیا ده‌ستوور و بریارا دادگه‌ها فیدرالی.
هه‌روه‌سان د په‌یامێ دا هاتیه دیاركرن بریارا ڕاگرتنا مووچه‌یێ فه‌رمانبه‌رێن هه‌رێما كوردستانێ ب هه‌ر هێجه‌ته‌كێ بت تاوانه‌كا مه‌زنه و ل دژی ده‌ستوور و یاسایی یه، هه‌روه‌سان نابت ژیارا وه‌لاتیان دگه‌ل ناكۆكی و پرسێن سیاسی بهێـته تێكه‌ل كرن ژبه‌ركو قه‌له‌ق و كارتێكرنه‌كا مه‌زن ل سه‌ر فه‌رمانبه‌ر و بازار و هه‌موو وه‌لاتیان دبت، هه‌روه‌سان داخوازێ ژ محمد شیاع سوودانی سه‌رۆكێ حكومه‌تا عیراقێ دكه‌ین ل په‌ی ده‌ستوور و رێككه‌فتنێن سیاسی مووچه‌ی به‌ری جه‌ژنا قوربانێ ڤرێكه‌ت.
تێ زانین ده‌سته‌یا سه‌ربه‌خۆ یا مافێ مرۆڤی داخواز ژ به‌رپرسێن كورد و نوونه‌رێن هه‌رێما كوردستانێ ل به‌غدایێ كریه هه‌موو هه‌ولێن خوه یێن دپلۆماسی و ده‌ستووری بگرنه به‌ر بۆ دابینكرنا مووچه‌یی و هه‌روه‌سان ته‌ڤایا شایسته‌یێن دارایی یێن هه‌رێما كوردستانێ، ژبه‌ركو فه‌رمانبه‌ر به‌رگه‌هێ ئه‌وان سزایان ناگرن یێن به‌رامبه‌ر وان دئێنه سه‌پاندن.
تُتاح هذه الصورة أيضا في: کوردی
