وه‌زاره‌تا په‌روه‌رده‌يا حكومه‌تا هه‌رێما كوردستانێ 113مليۆن دينار بۆ قوتابيێن شنگالێ ته‌رخانكرن.
نڤيسينگه‌ها ڕاگه‌هاندنا په‌رله‌مانتارێ ئێزدى مه‌حما خه‌ليل،ئه‌ندامێ په‌رله‌مانێ عيراقێ، ئيڕۆ 31ى گوڵانا 2025ێ، به‌لاڤكرييه، په‌رله‌مانتارى په‌يوه‌ندييه‌كا ته‌له‌فونى ل گه‌ڵ ئالان حه‌مه سه‌عيد، وه‌زيرێ په‌روه‌رده‌يا حكومه‌تا هه‌رێما كوردستانێ ئه‌نجامدا.
هه‌روه‌سا دياركر، دوێ په‌يوه‌ندييا ته‌له‌فونى دا، هه‌ردوو ئاليان ره‌وشا كه‌رتێ په‌روه‌ردێ ل پارێزگه‌ها دهۆكێ و ب تايبه‌ت ل قه‌زا شنگالێ به‌حسكرن.
وه‌زيرێ په‌روه‌رده‌يا حكومه‌تا هه‌رێما كوردستانێ رۆنكر، دچارچووڤێ پلانا وه‌زاره‌تا په‌روه‌ردێ دا بۆ پشته‌ڤانى يا پرۆسێسا په‌روه‌ردێ ل ده‌ڤه‌رێن زه‌ره‌رمه‌ندبووى، كوژمێ 113 مليۆن دينارێن عيراقى بۆ پشته‌ڤانى يا قوتابيێن شنگالێ ته‌رخانكرينه.
ژبه‌ر نه‌بوونا ئاراميێ و ئاسايبوونا ڕه‌وشا شنگالێ، سالأنه قوتابيێن قۆناغا دوازێ ئاماده‌يى يا خواندنا كوردى ل شنگالێ سه‌ره‌دانا پارێزگه‌ها دهۆكێ دكه‌ن بۆ ئه‌نجامدانا ئه‌زموونێن نيشتيمانى و هه‌موو به‌رهه‌ڤى بۆ قوتابيان دئێنه به‌رهه‌ڤكرن هه‌تا كو ئه‌زموون ب داوى دئێن.
تُتاح هذه الصورة أيضا في: کوردی
