ب دەهان رۆژنامەڤانێن گەنجێن ئێزدی ب رێیا دەنگێ لالش دەرچۆینە!
خالد خدر 
پشتی رووخاندنا رژێما بەعس یا گۆربەگۆر ل(9/4/2003)ێ و ئازادبوونا خەلكێ عێراقێ ب گشتی و دەڤەرێن كوردستانی یێن دەرڤەی ئیدارا هەرێما كوردستانێ ژی ئازادی بخۆڤە دیتن،هەروەسا ئازادی كەتە هەموو بوارا و ئازادیا رۆژنامەڤانی ئێك ژ وان ئازادیا بوو،پشتی وی سەقایێ ئازادیێ هەموو تایی و نڤیسینگەهێن بنگەهێ لالش لسەرانسەری دەڤەرێن ئێزدینشین هاتنە ڤەكرن و جڤاكێ ئێزدی گەشەیەكا مەزن بخۆڤەگرت مینا هەموو جڤاكێ كوردستانێ وعێراقێ،بنگەهێ لالش ب فەر زانی رۆژنامەكێ بەلاڤ كت بناڤێ رۆژناما (دەنگێ لالش) وب هەردوو زمانێن كوردی وئەرەبی وەك زمانحالێ خۆ و ب رێیا ڤێ رۆژنامێ هەموو بزاڤ وچالاكیێن خۆ و دەنگوباسێن جڤاكێ ئێزدی گەهاندنە جیهانا ژدەرڤە،ل دەستپێكێ ب شێوەیێ پازدە رۆژا جارەكێ دهاتە وەشاندن و نهۆ هەفتیێ جارەكێ دئێتە وەشاندن،هەژی یە بێژین كو رۆژناما دەنگێ لالش خزمەتەكا بەرچاڤ پێشكێشی جڤاكێ ئێزدیان دكت،كو ژمارەكا زۆر یا نڤیسەر و رۆژنامەنڤیسین گەنج دناڤا لاپەرێن ڤێ رۆژنامێ دا بەرهەم ونڤیسینێن خۆ وەشاندن،هەروەسا ب دەهان رۆژنامەڤانێن ئێزدی یێن گەنج ب رێیا دەنگێ لالش دا دەرچۆینە و ب شانازی ڤە دبێژم ئەز بخۆ ئێك ژوان گەنجامە كو ئێكەم نڤیسینا خۆ یا رۆژنامەڤانی من ل رۆژناما دەنگێ لالش دا وەشاند ل سالا(2007)ێ ئەگەر ل بیرا من نەچۆبە وب زمانێ ئەرەبی بوو،هەتا نهۆ بەردەوامم لسەر بەلاڤكرنا نڤیسینێن خۆ ب زمانێ كوردی و ب شانازی ڤە جارەكا دی دێ بێژم كو ژ نڤیسەرێن بەردەوامم ب نڤیسینا گۆتارا ل رۆژناما دەنگێ لالش دا،ب هەلكەفتا سالڤەگەرا وێ دەست خۆشیێ ل دەستەكا نڤیسینێ و ل دامەزرینەرێن وێ دكەم و جوانترین و گەرمترین پیرۆزباهیان ئاراستەی وان دكەم ل بیرەوەریا وێ،هیڤیدارم بەردەوام بت دخزمەتا جڤاك و رەوشەنبیریا جڤاكێ ئێزدی ب تایبەتی و یا كوردستانێ ب گشتی،هەروەسا ب ئۆمێدین كو پتر پێشكەفتنێ بخۆڤە ببینت،دووبارە سالڤەگەر و بیرەوەریا رۆژناما دەنگێ لالش پیرۆزبت و هەر سەركەفتی بن.
تُتاح هذه الصورة أيضا في: کوردی
