تۆرا لالش
ئیرۆ 42 سال ب سه‌ر ئه‌نفالكرنا بارزانیان ده‌رباز دبن، بنگه‌هێ لالش یێ ره‌وشه‌نبیری و كۆمه‌لایه‌تی په‌یامه‌كێ به‌لاڤ دكه‌ت.
ده‌قێ په‌یامێ:
د رۆژه‌كا وه‌كی ئیرۆ دا ل رێكه‌فتی 31/7/1983ێ، رێژێما به‌عس یا ژ ناڤچۆیـی تاوانه‌كا مه‌زن ل دژی مرۆڤایه‌تیێ ئه‌نجام دا، ئەو ژی تاوانا جینۆسایدکرنا( 8000) بارزانیان بوو، گونەھا وان ئەو بوو بتنێ چنكو ئەو کورد و بارزانی بوون، ئه‌ڤ تاوانه یا هۆڤانه و ل دژی هه‌موو مرۆڤایه‌تیێ بوو.
ئه‌نفالكرنا بارزانیان وه‌ك هه‌موو وان تاوانایه یێن د ده‌رحه‌ق گه‌لێ كوردستانێ دا هاتینه كرن، نه كو هه‌ر هێز و تێهنا گه‌لێ مه بۆ به‌رهنگاربوونا سته‌م و دكتاتۆریێ خاڤ نه‌كریه، به‌لكو گیانێ به‌رهنگاربوون و ئیراده‌یا سه‌ركه‌فتن و ئازادیێ ل ده‌ف ته‌ماما گه‌لێ كوردستانێ ب گه‌رمتر كریه و ب باوه‌ركا بهێزتر به‌رده‌وامى ب تێكۆشینێ دا.
سەرێ رێز و نەوازشێ بۆ شەهیدێن ئه‌نفالا بارزان و هەموو شەهیدێن نشتیمانی د چه‌مینین.
بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
31/7/2025
تُتاح هذه الصورة أيضا في: کوردی
