تۆرا لالش
مەسرور بارزانی سەرۆكێ حكومەتا هەرێما كوردستانێ پەیامەك ل سالیادا جینۆسایدا بارزانییان بەلاڤكر و تێدا ڕاگەهاند، دڤێت حكومەتا فیدرال ئەركێ خۆ یێ قانوونی و بەرپرسیارییا خۆ یا دەستووری بەرامبەر جینۆسایدا ئەنفال و كیمیا بارانكرنا كوردستانێ و هەموو قوربانییین دەستێ ڕژێما پێشتر بجهبینیت، ئێدی مافێن وان پشتگوهـ نەهاڤێژت.
دەقێ پەیاما سەرۆكێ حكومەتا هەرێما كوردستانێ:
ل سالیادا جینۆسایدكرنا بارزانییان، قوربانییێن كۆمەلكۆژی و تاوانەكا درندانە یا ڕژێما پێشتر یا عیراقێ ل بیر دئینن، دڤێ هەلكەفتا خەمگیندا، سەرێ ڕێز و نەوازشێ بۆ گیانێ پاقژێ شەهیدێن بارزانی د چەمینین و هەردەم ب ڕێزڤە ل بیر دئینین، ل درێژاهییا 100 سالێن بۆری دا، دەڤەرا بارزان چەندین جاران ڕووبڕوو هێرش و دەست درێژییێن دوژمنێن كودرستانێ و سۆتن و كۆمەلكوژی و وێرانكارییان بوویە، لێ هەردەم خەلكێ نیشتیمانپەروەر و ستەملێكرییێ ئەڤێ دەڤەرێ و كوردستانێ ب گشتی، ب شێوەیەكێ قارەمانانە بەرگری ژ كوردستانێ كرییە و خۆراگربوویە، دوژمن و نەیارێن كوردستانێ شكاندینە، وەكو هەردەم دووپات دكەین، دڤێت حكومەتا فیدرال ئەركێ خۆ یێ قانوونی و بەرپرسیارییا خۆ یا دەستووری بەرامبەر جینۆسایدا ئەنفال و كیمیا بارانكرنا كوردستانێ و هەموو قوربانییین دەستێ ڕژێما پێشتر بجهبینت، ئێدی مافێن وان پشتگوهـ نەهاڤێژت.
خەلكێ نیشتیمانپەروەرێ كوردستانێ، چ جاران ڤان تاوانان ژبیر ناكەت و دڤێت نفش ل دووڤ نفشی بزانت كو گەلێ كوردستانێ ب هەموو پێكهاتەیێن خۆڤە، قوربانییەكا مەزن ژ پێخەمەت پاراستنا ناسنامەیا نیشتیمانی و مافێن خۆ یێن ڕەوا د دەن و چ جاران دەستبەرداری وان مافان نابن و بەرهنگاری هەموو وان كەسان بن، یێن بزاڤێن داگیركرن و دووبارەكرنا سیاسەتا شۆڤینی و تاوانێن بۆری دكەت.
سلاڤ ل گیانێ پاقژێ شەهیدێن جینۆسایدا بارزانییان و هەموو شەهیدێن كوردستانێ.
مەسرور بارزانی
سەرۆكێ حكومەتا هەرێما كوردستانێ
31/7/2025ێ
تُتاح هذه الصورة أيضا في: کوردی
