حسێن قائیدی:بۆ ڕزگاركرنا گرتیان بتنێ حكومەتا هەرێمێ پشتەڤانی یا ئێزدیان دكەت
تۆرا لالش:
بەرپرسێ نڤیسینگەها رزگاركرنا گرتیێن ئێزدی ئاشكەراكر،كو هەتا نۆكە دوو هەزار و 600 كەسێن ئێزدی ماینە بن دەستێ تیرۆرستێن داعش دا،مخابن هەتا ئیرۆكە ژی چوو كەس و لایەنان بۆ رزگاركرنا گرتیان هەڤكاریا ئێزدیان نەكرینە،بتنێ حكومەتا هەرێما كوردستانێ پشتەڤانی یا ئێزدیان كریە.
حسێن كورو قائیدی،بەرپرسێ نڤیسینگەها رزگاركرنا گرتیێن ئێزدی بۆ دەنگێ لالش دیاركر،ل سالا 2014ێ تیرۆرستێن دەولەتا ئیسلامی(داعش)هەوەكا بەرفرەهـ ئەنجام دان و ئێك ژ ئارمانجێن وێ هەوێ ژناڤبرنا ئێزدیان ئەوژی ئارمانج ژی زیانێ بگەهینە كچ و ژنان ل وی دەمی شەش هەزار و 417 كەس ژلایێ تیرۆرستێن داعش ڤە هاتنە دەستەسەركرن هەموو تووشی زولم و زۆرداریێ بوون،هەروەسا ئاینێ وان هاتە گوهارتن و گۆت:((ل سالا 2014ێ تا نۆكە گەلەك جاران مە داخواز ژ كۆمەلگەها نێڤ دەولەتی ب تایبەتی ژی وان سازیان كریە یێن ناڤێ مافێ ژنی دئاخڤن هەڤكاریا ئێزدیان بكن ئەوژی ژبۆ رزگاركرنا گرتیێن یێن هەتا ئیرۆكە بن دەستێ تیرۆری دا داكو بێنە رزگاركرن،مخابن هەتا ئیرۆكە ژی هەڤكاری نەكرینە چوو كەس و لایەنان بۆ رزگاركرنا گرتیان،حكومەتا هەرێما كوردستانێ و سەرۆكێ حكومەتا هەرێمێ بەردەوام پشتەڤانی یا ئێزدیان كرینە و نڤیسینگەهەك بۆ رزگاركرنا گرتیان ڤەكرن كو كارێ وێ رزگارركرنا گرتیانە)).
قائیدی ئەو چەندە ژی ئاشكەراكر،هەتا نۆكە بتر ژ سێ هەزار و 562 كەسان رزگاربووینە ،ژوانژی هەزار و 100 كەس ژنن.
تُتاح هذه الصورة أيضا في: کوردی
