تۆرا لالش
ل رێككه‌فتی 4/7/2025ێ، ب هه‌ماهه‌نگی دگه‌ل ناڤه‌ندا رۆناهی یا فێركرنێ و لژێر سه‌رپه‌رشتی و پشته‌ڤانیا بنگه‌هێ لالش تایێ شنگال خۆله‌كا زمانێ ئینگلیزیێ ل هۆلا قه‌سر ئێزدینێ ل باره‌گه‌هێ بنگه‌هێ لالش تایێ شنگالێ یێ پێگهۆر ل ناحیا خانكێ ب داوی هات.
تێ زانین 40 قوتابی د ته‌مه‌نێن دناڤبه‌را 8 بۆ 15 سالیێ دا بۆ ماوێ هه‌یڤه‌كێ د ڤێ خۆلێ دا د پشكدار بوون، هه‌روه‌سان د رۆژا داویێ دا خشۆ میرزایی سه‌رۆكێ تایێ شنگالێ خه‌لاتێن ڕێزلێنانێ پێشكێشی پشكداران كرن.
پشكداران ژی خۆشحالیا خۆ بۆ خۆلا ناڤبری ده‌ربرین و دیاركرن مفا ژێ وه‌رگرتینه و ڕۆلێ تایێ شنگالێ و رێكخراوا ناڤبری د پشته‌ڤانیكرنا قوتابیان دا بلند نرخاندن.
هه‌روه‌سان هه‌رسال ل ده‌مێ ب داوی هاتنا سالا خواندنێ بنگه‌هێ لالش ب تا و نڤیسینگه‌هێن خۆڤه د وه‌رزێ بهێنڤه‌دانێ دا(هاڤینێ) خۆلێن زانستی و وه‌رزشی و هونه‌ری بۆ قوتابیان ڤه‌دكه‌ن.
تُتاح هذه الصورة أيضا في: کوردی
