ئيڕۆ پێنچ شه‌مبوويێ3ى ته‌موزا 2025، ل هۆڵا كۆنفرانسا ل زانكۆیا دهۆكێ، بنگه‌هێ لالش ل دهۆكێ سميناره‌ك ل دۆر فه‌رمانڕه‌واییا دونبۆڵییان ل رۆژهه‌لاتێ كوردستانێ وئازه‌ربايجانێ بۆ “پ. د.عه‌لى ته‌ته‌ر” مێژوونڤیس و پارێزگارێ دهۆكێ گێڕا، ب ئاماده‌بوونا سه‌عيد جردۆ، سه‌رۆكێ بنگه‌هێ لالش د.سه‌عيد خودێدا، جێگرێ سه‌رۆكێ بنگه‌هى و ئه‌ندامێن ده‌سته‌يا بلند و سه‌رۆكێ زانكؤیا دهۆكێ وبه‌رپرسێن لقێن17 و 20 یێن پارتى دیموكراتى كوردستان و هه‌ژماره‌كا ڕه‌وشه‌نبیر، كه‌سایه‌تى، به‌رپرسێن حزبى و ئیدارى.
ل ده‌ستپێكێ سه‌عید جردۆ، سه‌رؤكێ بنگه‌هێ لالش ل دهۆكێ په‌یڤا بخێرهاتنێ خووند و ده‌ستخۆشى ل پارێزگارێ دهۆكێ كر بۆ به‌رهه‌مئينانا ڤێ په‌رتووكێ.
پاشان پروفیسور د.عه‌لى ته‌ته‌ر، ڕۆنكرن دانه سه‌ر مێژوویا دۆنبڵییان و مشه‌ختبونا وان ژ باشورێ كوردستانێ بۆ رۆژهه‌لاتێ كوردستانێ وئازه‌ربێجانێ و ڕؤلێ میرێن دۆنبڵییان وده‌ستكه‌فتێن وان دبیاڤێن سیاسى و له‌شكرى وئاڤه‌دانكرنێ وره‌وشه‌نبیرى وئه‌ده‌بى وهه‌موو بیاڤێن ژیانێ دا ل باژێرێن خوێ وته‌برێزێ و وسه‌لماسێ وجهێن دى، كو جوگرافییه‌كا به‌رفره‌هـ بخۆڤه دگرت به‌رچاڤكرن.
هه‌روه‌سا ڕۆنكرن دانه سه‌ر په‌یوه‌ندى و ڕۆلێ میر و مه‌زن و ڕه‌وشه‌نبیرێن دۆنبڵییان و هێزێن وان یێن چه‌كدار ژبۆ به‌رقراكرنا ئێمناهیێ ل سنوورێ ده‌ستهه‌ڵاتا وان و ئاماژه دا ب هێزترین میرێ دۆنبلییان كو ئه‌و ژى “ئه‌حمه‌د خانێ دونبه‌ڵى “بوو ده‌مێ هاتیه پێشنیاركرن كو ببته شاهێ ئیرانێ لێ وى دگۆت ئه‌ز سه‌رۆكێ كوردانم ، دۆنبڵی دماوێ 500 ساڵان دا كاریگه‌رترین بنه‌ماڵبووینه ل رۆهه‌لاتێ كوردستانێ و ئازه‌ربايجانێ.
پاشان ده‌رگه‌هێ دانوستاندنێ هاته ڤه‌كرن و پرسیار هاتنه كرن و پروفیسور دكتور عه‌لى ته‌ته‌ر به‌رسڤ ل سه‌ر هه‌موویان دان.
بڤێ هه‌لكه‌فتێ بنگه‌هێ لالش و كه‌سایه‌تیێن دۆنبه‌ڵییان خه‌لاتێن ڕێزگرتنێ پێشكێشى پروفیسور دكتور عه‌لى ته‌ته‌ر كرن.
تُتاح هذه الصورة أيضا في: کوردی
