تۆرا لالش
سەعید جردۆ، سەرۆکێ بنگەهێ لالش یێ ڕه‌وشه‌نبیری و كۆمه‌لایه‌تی بۆ تۆرا لالش یا ڕاگه‌هاندنێ دا خویاكرن: ساله‌ك ب سه‌ر ڕاگه‌هاندنا مینحه‌یا دارایی و پشته‌ڤانیا رزگاربوویان ژ ئالیێ ڕێزدار مه‌سرور بارزانی سه‌رۆكێ حكومه‌تا هه‌رێما كوردستانێ ده‌ربازبن.
دیار ژی كر: سه‌رارای هه‌بوونا ئه‌وان قه‌یرانێن رووبرووی هه‌رێما كوردستانێ دبن، ئه‌ڤ پرۆسه ب به‌رده‌وامی دئێـته جێبه‌جێكرن، و رزگاربوویی مینحه‌یا خوه وه‌ردگرن.
سەرۆکێ بنگەهێ لالش زێده‌تر گۆتژی: هه‌تا نهۆ هه‌فت جاران مینحەیا سه‌رۆكێ حكومه‌تا هه‌رێما كوردستانێ ڕێزدار مەسرور بارزانی بێ جوداهی ب سه‌ر رزگاربوویان هاتیه دابه‌شكرن، و ل دووڤ خشته‌یان هه‌رگاڤ دابه‌شكرنا مینحه‌یێ ل هەر چار تايێن بنگه‌هێ لالش، شێخان، شاریا، خانکێ و دێرەبوونێ بۆ ماوەیێ چەند ڕۆژان مینحه ب سه‌ر رزگاربوویان دئێتـه دابه‌شكرن.
بریارا دانا ڤێ مینحەیێ ڤەدگەرت بۆ مەها تشرینا دووێ یا سالا بۆری ڤه‌دگه‌رت کو حکومەتا هەرێما کوردستانێ مینحە بۆ سێ هه‌زار و 574 کەسێن ئێزدی دابین کریە، ب تایبەتی ژی بۆ ئەوێن ژ دەستێ داعشێ هاتینە ڕزگارکرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، هه‌تا نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.
تُتاح هذه الصورة أيضا في: کوردی
