تۆرا لالش
ل رێكه‌فتی 2/7/2025ێ، نه‌ته‌وه‌یێن هه‌ڤگرتی ل عیراقێ ڕاگه‌هاند: ب تووندی ئیدانا هێرشا سه‌ر كه‌مپا ده‌ركارێ ل پارێزگه‌ها دهۆكێ دكه‌ین و هیڤیدارین ڤه‌كۆلین ل سه‌ر ڤێ روودانێ بهێنه كرن.
د ڕاگه‌هاندنێ دا هاتیه: هیڤیدارین كه‌مپێن ئاواران ژ هه‌ر جۆره‌كی هێرشان بهێنه پاراستن، ب تایبه‌ت كه‌مپا ده‌ركارێ یا ئێزدیان، ژبه‌ركو ئه‌ڤ هێرش سه‌رپێچیه ل سه‌ر یاسا و مافێن مرۆڤی.
هێژایی گۆتنێ یه ل ڕێكه‌فتی 1/7/2025ێ، ل ده‌مژمێر 00:30ێ فرۆكه‌یه‌كا بێ فرۆكڤان (درۆن) یا مینرێژكری ل دیوارێ قوتابخانه‌كا كه‌مپا ده‌ركارێ یا ئاوارێن ئێزدی كه‌فت و زیانێن مادی ل قوتابخانێ كه‌فت و هه‌روه‌سان پارچه‌یه‌كا فرۆكێ به‌ر گه‌نجه‌كی 16 سالی كه‌فتیه و ب سڤكی برینداربوویه.
تُتاح هذه الصورة أيضا في: کوردی
