تۆرا لالش
ل رێكه‌فتی 17/6/2025ێ، شانده‌كی چالاكڤانێن ئێزدی كو پێكهاتبوون ژ شاره‌زایێ بیاڤێ مافێ مرۆڤی د.سالم سلێمان شنگالی، و ڕێڤه‌به‌رێ هاریكاریێن مرۆڤایه‌تی ل رۆژهه‌لاتا ناڤه‌راست خه‌لیل ره‌شۆ بۆزانی سه‌ره‌دانا باره‌گه‌هێ بنگه‌هێ لالش یێ ره‌وشه‌نبیری و كۆمه‌لایه‌تی كرن و ژلایێ سه‌رۆكێ بنگه‌هێ لالش مامۆستا سه‌عید جردۆ و ئه‌ندامێن ده‌سته‌یا بنگه‌هی ب گه‌رمی هاتنه پێشوازی كرن.
ل ده‌ستپێكێ هه‌ردوو ئالیان خوه‌شحالیا خوه بۆ هه‌ڤدیتنێ نیشان دان، و ژ نێزیك ڤه هایداری كار و چالاكیێن هه‌ڤدوو بوون و ڕۆلێ بنگه‌هێ لالش دناڤ ئێزدیان دا ب تایبه‌تی و ل كوردستانێ ب گشتی د پاراستنا چاند و كلتوور و فلكلورێ كوردی و ئاواران دا بلند نرخاندن.
دووڤدا ره‌وشا ده‌ڤه‌رێ و تایبه‌ت یا ئێزدیان یا پشتی 2014ێ هه‌تا نهۆ و مژارێن پەیوەندیدار ب پێشەرۆژا جڤاکا ئێزدیان ڤه شرۆڤه‌كرن، ل داویێ هەر دوو ئالیان تەئکید ل سەر گرنگییا كارێن هه‌ڤپشك كر و له‌وران هه‌ماهه‌نگیا خوه بۆ ئێكدوو دانه دیاركرن.
تُتاح هذه الصورة أيضا في: کوردی
