شوبات 05, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سترانا فلكلۆری ل پێش هەموو جۆرێن سترانێ‌ یە

سترانا فلكلۆری ل پێش هەموو جۆرێن سترانێ‌ یە
تۆرا لالش:
گەنجێ‌ بەهرەمەند(خێری عەلی ئەلیاس) بەرنیاسە ب خێری عەدولا ل خەلكێ‌ كۆمەلگەها سێبا شێخدرێ‌ ل دەڤەرا قوبەلەتا چیایێ‌ شنگالێ‌ یە،چەندین ئامیران دژەنت و بۆ دەنگێ‌ لالش دبێژت:دڤێت هۆنەرمەند هۆنەرێ‌ خۆ د گەلەك بازنان دا ببینن و هەموو جۆرین سترانان بێژن،لێ‌ فلكلۆرێ‌ شنگال ل پێشیا هەر تشتی یە.
خێری عەدولا بۆ دەنگێ‌ لالش گۆت:د تەمەنەكێ‌ بچووكدا حەزا ژەنینا تەمبورێ‌ ل جەم وی پەیدابوویە و پشتی فەرمانا سالا2014ێ‌ ئاكنجیێ‌ رۆژئاڤا دبت،پشتی چەند سالا ژ بەر رەوشا پەریشان دەست ب گۆتنا هەلبەستێ‌ كریە و ئێكەم هەلبەستا نڤیسی و گۆتی ب ناڤێ‌ (چ بوویە دایێ‌)سەرەرای ئەڤێ‌ چەندێ‌ بەژداری د چەندین خۆلێن جودا جودا كریە یێن ژەنینا تەمبورێ‌ و گیتارێ‌ و د نۆكەدا مژوولی فێركرنا بلورێ‌ یە، پشتی كو د وان خۆلان دا فێرێ‌ ژەنینا تەمبورێ‌ بوویم د رەوشەكا پەریشان دا تەمبورەك پەیداكر و سترانا فلكلۆری گۆت و مالبات و كەسوكار پشتەڤانێن سەرەكی بوون و بەژداری دچەندین ڤیستەڤالان دا كریە،پاشی وی تیپەك ل ژێر ناڤ و نیشانێ‌(كولیلكێن شنگالێ‌) دامەزراندی یە و ئاستێن بلند بدەستخۆڤە ئانین ل دۆر ستران و جل و بەرگێن شنگالێ‌.
زێدەتر گۆت:پشتی كو ژ رۆژئاڤا ڤەگەریایە وارێ‌ خۆ سترانەكا دن ب ناڤێ‌ (ئەم زارۆكێن ئێزدیخانێ‌ نە) دروستكر،كو ژ پەیڤێن هەلبەستڤان حەجی قەیرانی و ئاوازێن خۆدێ‌ ژێ‌ رازی كەمال پیر مجۆ بوو،زێدەباری چەندین ئاهەنگ پێشكێشكرینە،هەر دیسان دڤێت هۆنەرمەند هۆنەرێ‌ خۆ د گەلەك بازنان دا ببینن و هەموو جۆرین سترانا بێژن،لێ‌ فلكلۆرێ‌ شنگال ل پێشیا هەر تشتی یە.
ناڤهاتی ل دۆر بەرهەمێن خۆ دیاركر،چەندین بەرهەم بەردەست كرینە ژ وانژی ل سەر دایكێ‌ و شنگال و پەنابەریێ‌ و ئەڤینیێ‌،لێ‌ ب مخابنی ڤە پشتەڤانی یا پێتڤی نەهاتیەكرن،ئەگەر پشتەڤانی بێتەكرن ب بەرهەمێن هشك و نەرم دێ‌ دخزمەتا گوهدار و بینەران كەین.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi