كليپا(تایێ بتنێ)هاته بەلاڤکرن
تۆرا لالش/هۆگر نەجیب
كليپا(تایێ بتنێ)يا دوو قولى ژلايێ هەلبەستڤان خدیدا کرتۆ و هۆنەرمەند خالد ئێزدی ڤه هاته به‌لاڤكرن.
هەلبەستڤان خدێدا کرتۆ بۆ (تۆرا لالش)دبێژت: ناڤەرۆکا کلیپێ ل سەر كوشتنا گەنجەکێ ئێزدى يه ژلايێ تيرۆرستێن داعشێ ڤه ده‌مێ ل 3/8/2014هێرشى شنگال كرين،کو ئه‌و گه‌نج ئێکانێ دەیکا خۆیە و ئەم ب شنگالی دبێژینە دەیکێن وەسا تایێ ب تنێ.
دياركر ژى کلیپ يا دوو قولی یە،ئەوژی هۆزان ژلايێ وى ڤه هاتيه گۆتن و هۆنەرمەند خالد ئێزدی ژی سترانێ دبێژت و ئیڤان عادلی کەمان ژەنیە و ل ستۆدیۆیا ماهر شنگالی دەنگ هاتینە تۆمارکرن.
ناڤهاتى زێده‌ترگۆت:وێنەگریا جوان ڤیدیۆ ب کارێ وێنەگرتن و مونتاژ و دەرهێنانێ ڕابوویە و ل ناوچەدارییا خانکێ ل به‌ر مەزارگەهێ مەم شڤان و گوندێ شێخدرا کەڤن کو ب سەر کۆمەلگەها شاریایە هاتیە ڤیدیۆکرن و سیناریۆ ژی ژلایێ نزار مشکۆ ڤە هاتیە دارشتن.
ل داویێ خدیدا کرتۆ گۆت:داکو پتر بکارین خزمەتا مللەتێ خۆ بکەین دخوازم زێدەتر پشتەڤانی و هاریکارییا هه‌لبه‌ستڤان و هۆنه‌رمه‌ندان بێتەکرن.
تُتاح هذه الصورة أيضا في: کوردی
