ئایار 26, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

88 گۆڕێن بكۆم ل شنگالێ‌ هاتینە دیتن

88 گۆڕێن بكۆم ل شنگالێ‌ هاتینە دیتن
تۆرا لالش:
پرۆسا هلدانا گۆڕێن بكۆم یێن ئێزدیان ل شنگالێ‌ ژئالیێ‌ تیمێن تایبەت ڤە ل بەغدا وهەرێما كوردستانێ‌ یا بەردەوامە،هەتا نۆكە 88 گۆڕێن بكۆم ل دەڤەرێ‌ هاتینە دیتن.
رێڤەبەرێ‌ رێكخراوا ئێزدی یا كۆمكرنا بەلگەیان خەیری عەلی،بۆ دەنگێ‌ لالش ئاشكەراكر، هەتا نۆكە 88 گۆڕێن بكۆم ل شنگال هاتینە دیتن ژبلی یێن كت،هەروەسا 38 ژوان هاتینە هلدان و ڤەكرن ژئالیێ‌ تیمێن تایبەت ڤە ل بەغدا وهەرێما كوردستانێ‌ و روفاتێن 500 كەسان ژناڤ هاتینە راكرن و هاتینە هنارتن بۆ بەغدایێ‌ و 182 ڤەگەریاینە بۆ شنگالێ‌ و هاتینە بن ئاخكرن،دهەمان دەمدا تێمێن تایبەت بەردەوامن ل سەر هلدانا یێن مای ژی.
دەخیل تەعلۆ،موختارێ‌ گوندێ‌ گرزەرك بۆ دەنگێ‌ لالش دیاركر،هەژمارەكا گۆڕێن بكۆم ل گوندێ‌ گرزەرك هەنە و نۆكە پێنچ ژوان تێنە هلدان،لەوما ئەم پێتڤی ب هاریكاریێ‌ نە ژئالیێ‌ حكومەتان و رێكخراوێن مرۆڤی ڤە،چنكو ئەڤە مافێ‌ مەیە وبەلگەیێن ژبۆ جینۆسایدێ‌ دبن دڤێت هەموو ب ئێزدیان را دهاریكار ب .
هەروەسا خەلەف حەمۆ،ئێك ژ كەسوكارێن قوربانیێن گۆِرێن بكۆم ل گرزەرك بۆ دەنگێ‌ لالش خویاكر،تیرۆرستێن داعش مالوێرانی بسەرێ‌ مە دا ئینا نۆكە چار ژ ئەندامێن خێزانا وی دناڤ ڤان گۆڕان دانە،ئەم ب دلەكێ‌ پر ئێش رۆژێن خۆ دبۆرینن،دڤێت ئەم بگەهنە مافێ‌ خۆ و تیرۆرست بگەهنە سزایێ‌ خۆ.
هەر ژ دەستپێكا شنگال هاتیە كۆنترۆلكرن ژئالیێ‌ ڕێكخراوا داعش یا تیرۆرستی ڤە ل تەباخا سالا 2014،هەموو تاوانێن دۆر ژ مرۆڤایەتیێ‌ دەرهەقێ‌ خەلكێ‌ شنگالێ‌ ئەنجام دان و ب دەهان وەلاتیێن بێ‌ گونەه د گۆڕێن بكۆم دا كۆمكوژكرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi