تۆرا لالش
ل ڕێککەفتی 28/8/2025 ل ڕۆژا پێنجشەمبێ، بنگەهێ لالش تایێ شاریا ب هەماهەنگی د گەل فێرگەها شاریا یا وەرزشی، ئاهەنگا دەرچۆنێ بۆ بتر ژ 80 قوتابییێن وەرزشڤان یێن فێرگەها شاریا یا وەرزشی سازکر.
سێ مەهان خۆل یا بەردەوام بوو، بتر ژ 80 قوتابیان ژ هەردو ڕەگەزێن نێر و مێ تێدا بەشداربوون و مفا ژ وێ خۆلێ وەرگرتن و فێری گەلەک وەرزشان بوون د ئەکادیمییێدا. هەروەسا د ڤێ خۆلێدا گرنگی ب ئالیێ دەروونی و له‌شی یێ قوتابیان هاتە دان و سەرەدانا دەرڤەی شاریا ژی دکرن بۆ ئەکادیمیێن دی یێن وەرزشی.
هندەک ژ ئارمانجێن سەرەکی یێن ئەکادمیا وەرزشی:
پێشئێخستنا شیانێن وەرزشی: فێرکرن و ئاڤاکرنا کەسان ل پێشئێخستنێن تایبەت وەکو (تەپا پێ، تەپا دەستی، مەلەڤانگەهـ، تێنس …هتد).
بهێزکرن و باشترکرنا شیانێن لەشی بۆ تەندرۆستیا گشتی یا کەسان د ماوەیێ وەرزشی دا ب بەردەوامی.
بهێزکرنا تەندرۆستیا دەروونی یا کەسان د ماوەیێ کرنا وەرزشێ دا، دلخۆشی، کێمکرنا ستڕێسێ.
ب شێوەیەکی گشتی ئارمانجا ئاکادیمیا وەرزشی ئەوە کو پشتەڤانیا کەسان بکەن ل لایەنێ وەرزشا لەشی و دەروونی و هەروەسا پشتەڤانیا وان کەسان بکەن یێن بڤێن شیانێن خۆ یێن وەرزشی دیاربکەن.
بۆ زانین ئەڤ خۆلا پێگەهاندنێ یا فێرگەها و ئەکادیمیا شاریا یا وەرزشی بۆ ماوێ سێ مەهان بەردەوام بوو.
تُتاح هذه الصورة أيضا في: کوردی
