تۆرا لالش
ل رێكه‌فتی 26/8/2025ێ. ل ژێر سه‌رپه‌رشتی و پشته‌ڤانیا نڤیسینگه‌ها لالش بۆرك به‌ریكانه‌كا زانستی ل كه‌مپا خانكێ هاته ل دارخستن.
تێ زانین كۆمه‌كا ده‌رچۆ و نوژداران د پشكداربوون و به‌رده‌وام پسیارێن زانستی و ساخله‌می و كۆمه‌لایه‌تی و ئاینی و وه‌رزشی و هۆنه‌ری ئارسته‌ی وان د هاتنه كرن.
هه‌روه‌سان ئارمانج ژ ئه‌نجامدانا ڤێ به‌ریكانێ هزركرن و داهێنان بوو و هه‌روه‌سان گه‌شه‌پێدانا هه‌ڤكاریێ و گیانێ هه‌ڤركیێ بوو و زێده‌كرنا زانیاریێن گشتی و تایبه‌تمه‌ند.
د سه‌قایه‌كێ پر زانستی دا به‌ریكانه هاته ئه‌نجام دان و سه‌ركه‌فتیێن ئێكێ و دووێ و سێیێ هاتنه خه‌لات كرن و دیاری ب سه‌ر هه‌موو پشكداران هاتنه پارڤه‌كرن، و هه‌موو پشكداران سوپاسیا نڤیسینگه‌ها ناڤبری كرن و رۆلێ وان د بیاڤێ زانستی و گشتی دا بلند نرخاند.
تُتاح هذه الصورة أيضا في: کوردی
