جڤاكێ ئێزدی نە دگەل هەبوونا هێزێن دەرەكی یە ل شنگالێ
خالد خدر
پشتی روودانێن خانەسۆرێ یێن ل 3/3/2017 وپێكدادانا دناڤبەرا هێزێن سەرب (پەكەكێ )ڤە و هێزێن لەشكەرێ رۆژئاڤا ،و ئەو كارڤەدانێن ڤێ روودانا نەخوازراوا لپێ خۆ ئانین كو بوویە جهێ نیگەرانی و دلتەنگییا جڤاكی كوردستانێ ب گشتی و یێ ئێزدیخانێ بتایبەتی جهێ داخێ یە ئەڤ هێزێن دەركی یێن ژ دەرڤەی سنوورێ عیراقێ و هەرێما كوردستانێ هاتینە ناڤ ئاخا شنگالێ جێگیر بووین ، بووینە جهێ نەئارامییێ و نە ئیمناهییێ ل شنگالێ ، بتایبەی یێن سەرب پەكەكێ ڤە و لبن چەندین ناڤ و دروشمان خۆ داینە خویاكرن ل مەیدانا شنگالێ ، و ڤان هێز وگرۆپان ناكۆكی و هەڤركی پەیداكرینە.
بێگومان ئەڤ هێزێن هەنێ وێ چەندێ بخۆ دكەنە بەهانە وهێجەت كو ئەوان هاریكارییا خەلكێ شنگالێ كرینە ل دەمێ هێرشا تیرۆرستێن داعش ل 3ی تەباخا سالا2014 ئەڤا هەنێ ب هیچ شێوازەكی نابیتە بەهانە بۆ ڤان كار وكریارێن وان یێن تێكدەرانە ل شنگالێ ، چنكو ل دەمێ هێرشا داعش ل سەر باژارێ كۆبانێ ل رۆژئاڤا هێزەكا پێشمەرگێن قارەمان بلەز چوونە وێدەرێ لدیڤ فەرمان و راسپاردەیێن رێزدار سەرۆكێ هەرێمێ (مەسعوودبارزانی ) ، وپشتی پێشمەرگەی ئەركێ خۆ جیبەجی كری ل كۆبانێ جارەكا دی زڤرینەڤە هەرێما كوردستانێ ، بلا ئەو ژی هەمان تشتێ بكەن و جارەكا دی بزڤرنەڤە رۆژئاڤایی كوردستانێ چنكو وێدەرێ جهێ مەیدانا ئەرك وخەباتا وانە ، بەلێ ب مخابنی ڤە ئەوان ئەڤ چەندە نەكر و نەزڤرینەڤە ، ل دەمێ كو سەركردایەتییا كوردستانێ دگەل ئێزدیان و میر و بابە شێخ و جڤاتا روحانی و بنگەهێ لالش و هەموویان داخواز ژ وان كرین شنگالێ چۆل بكەن ، و چەندین بەیاننامە ل ڤی دەربارەی هاتینە دەركرن ، كو هەموو داكۆكییێ ل خۆڤەكێشانا وان گرۆپ و هێزێن دەرەكی دكەن ژ ئاخا شنگالێ ، ژلایەكی دی ڤە شنگال نەیا پێدڤی وان هێزایە چونكە پتری (8000) هەشت هەزار پێشمەرگان هەیە بتنێ سەرب فەرماندەیا شنگالێ ڤە نە كو هەمی خەلكێن شنگالێ نە ژبلی هێزێن دی یێن پێشمەرگەی و هێزا سەرب (حیدر ششۆ) ڤە و جڤاكێ ئێزدی نە دگەل هەبوونا هێزێن دەرەكی یە ل شنگالێ ، بتنێ ئێزدیێن شنگالێ ژی نە دگەل هەبوونا هێزێن پێشمەرگێن رۆژئاڤانە ل دەڤەرا شنگالێ ، ئەوژی ژبەر دوو سەدەمان یا ئێكێ ئەو هێزە ژی ب هەمان شێوێ وان هێزێن دی هێزەكا دەرەكی یە و یا دووێ شگال پێدڤی ب وان نینە ژبەر هەبوونا وێ ژمارەیا هێزێن دی یێن پێشمەرگەی چ ل فەرماندەیا شنگالێ یان ل لیوایێن دی یێن سەرب وەزارەتا پێشمەرگەی ڤە.
ل سەر ڤی بابەتێ هەستیار و نازك ل رۆژا ئینیێ رێككەفتی 17/3/ 2017ێ ،سەرۆك( مەسعوود بارزانی )كۆمبوونەكا بەرفرەه و گرنگ ئەنجام دا دگەل میرێ ئیزدیان و جڤاتا روحانی و رهسپی و كەسایەتیێن ئێزدیان یێن شنگالێ دئەنجامدا ئەڤ كۆمبوونا هەنێ زۆر یا گرنگ و پێتڤی بوو چنكو جەنابێ سەرۆك ژ نێزیك ڤە گوهێ خۆ دا بیر وبۆچوون و داخوازیێن ئێزدیان ، دڤێ كۆمبوونێ دا ئێزدیان هەلویستێ خۆ ب ئاشكەرای دیار كرن كو ئەو نەدگەل هەبوونا هێزێن دەرەكی نە ل شنگالێ و چەند داخوازی دانە جەنابێ وی ژبۆ چارەسەریێ ،جەنابێ وی دیسا تەكەزی ل سەر رەسەنەتییا كوردێن ئێزدی كر وگۆت هیچ كەسەكی ماف نینە ناسنامەكا دی بۆ وان چێكەتن.
تُتاح هذه الصورة أيضا في: کوردی
