سیستەمێ ئەلكتروونی باشترین چارەسەریە بۆ پێنگاڤا چاكسازییێ
جوان بەرواری 
دەمێ قەیرانا سەربازی دروست بت گەلەك پێنگاڤان دهاڤێژن هەتا بكارن زانیاریان ب دەست خۆڤە بینن ئەڤە ژی دێ گەهتە قۆناغا دەستپێكێ ڤە،لەورا د چەندین كەیسێن هاتینە كرن كو قەیرانەكا دروستكریە ناڤەرۆكا ڤان قەیرانان پێتڤیە نەئێتە ڤەشارتن ئەڤە ل ئایندەی قەیرانەكا گران و ب زەحمەتە،بێگۆمان ئەڤ چەندە ژی دێ بتە بەشەك ژ رەخنێ بەلێ مرۆڤ هاوبەشە دگەل هەموو قەیرانان و ب تایبەت ئەو قەیرانێن گوزاركەن ل هەرێما كوردستانێ كو مرۆڤ رۆژانە روبەروی ڤان قەیرانان دبن ، نموونە مەزنترین بوودجا هەرێمێ نەفتە و مخابن خێرا وێ وەك پێتڤی خەلكێ هەرێمێ ناگرت،لێ خالا هەرە گرنگ نزمبوونا بهایێ پترۆلێ كوئەڤێ چەندێ كاریگەریەكا مەزن كریە سەر ئابووریا هەرێمێ،ژبەركو هەرێمێ پاشگەڤتن كریە سەر كەرتێ پترۆلێ و كەرتێن دی ژی پشت گوهخستینە وەك پیشەسازی و چاندن و بازرگانی و كەرتێ ژ هەموویا گرنگتر كو كەرتێ تایبەتە ژبەر هەبوونا قورخكاری زالبوونا پارتان ل سەر جومكەیێن حكوومەتێ ونەبوونا پلانێن دۆمدرێژ ژلایێ حكوومەتێ ڤە ژئەگەرێ لاواز ب رێڤەبرنا دام و دەزگەهێن حكوومی ئەڤە هەموو ئەو سكتەرێن گرنگن ژبەر ڤێ چەندێ ئەڤ كریزا داریی هەتا نۆكە ڤەكێشایە.
پشتی كوڤان هەمووقەیرانان هەرێماكوردستانێ ڤەگرتی تایبەت قەیرانا دارایی باندۆرەكا نەرێنی ب گشتی كریە سەر هەرێمێ و هەموو تەخ و چینێن جڤاكی،ئەڤجا حكوومەتا هەرێمێ ژی كەفتیە دئالۆزیێ دا،لێ ل ڤیدەرێ ل دووڤ وان پێشبینیێن كو حكوومەتێ بەحس ل وێ چەندێ كری ئێك ژوان خالان چاكسازی بوو،وەكی یادیار كو ل رۆژا( 10 / 10 /2016) حكوومەتا هەرێما كوردستانێ بریاردا كو كارتێن فەرمانبەران بێنە گهۆرین بۆ شێوێ سیستەمێ ئەلكتروونی بێنە دەرێخستن ئەڤە ئێكەم پرۆسێسا باشتركرنێ یە كو ئەڤ سیستەمە بێتە هەلبژارتن وئێكەم پێنگاڤە بۆ نەهێلان و بنبركرنا دوو مووچە و سێ مووچەیێن بن دیواران،لێ هەژی گۆتنێ یە كو ڤێ چەندێ باشی و خرابیێن خۆ هەنە ئەو ژی كو ئەڤ خالە دئێتە گرێدان ژلایەكێ ڤە سیستەمێ ئەلكتروونی باشترین چارەسەریە بۆ پێنگاڤا چاكسازییێ و بەشەكە ژ كێمكرنا قەیرانا دارایی و ژلایەكێ دیڤە نەبوونا كێمكرنا باوەریێ ژلایێ خەلكی ڤە دەربارەی هەلبژارتنا ڤی سیستەمی بوویە جهێ گۆمانێ ئەڤە ژی كارتێكرنە ل سەر دروستكرنا ڤێ قەیرانێ دبنیات دا ب كارەساتی بێتە هژمارتن،نموونە ئەگەر ب دروستی بێتە سەلماندن وەك دوو مووچە سێ مووچە بنبركرنا بن دیواران دێ بتە ئەگەر كو بەشەك ژ ئاریشێن هەرێمێ وەلاتیان بێتە چارەسەركرن،لێ دگەل وێ چەندێ ژی كوكەسێن ژ هەژی بۆ جهێن هەژی ل دام و دەزگەهێن حكوومەتێ بێنە رێكخستن تایبەت ل دانانا بەنكان كو مووچێ فەرمانبەران وەكی پاشكەوتەكێ بێتە پشت راستكرن و هژمارتن بۆ هەموویان بێتە دابینكرن كو هەرجهێ بچنێ بكارن مووچێن خۆ لێ وەرگرن ئەڤە ژی دبتە باشترین رێ هەم بوفەرمانبەری هەم ژی بۆ سڤككرنا بارێ حكوومەتێ،بەلێ ئەگەر ئەڤ سیستەمە بتنێ ئەوبت كوبتە ئەلكتروونی بێگۆمان ئەڤە ژی بۆ فەرمانبەری دێ بتە ئالۆزی ،لەورا یاگرنگە ب زەلالی ئەڤ بریارە بێتە سەپاندن،داكو بتە بەشەك ژ چارەسەربوونا كریزا دارایی.
تُتاح هذه الصورة أيضا في: کوردی
