رێكخراوەك كار بۆ بدەستڤەئینانا مافێ رزگاربوویێن ژ دەستێن داعش دكت
تۆرا لالش:
رێكخراوا تولای یا رزگاربوويان و مالوێرانا بۆ بدەستڤەئینانا مافێ رزگاربوویێن ئێزدی ژێر دەستێن داعش ل ناحیا باعەدرێ هاتیە ڤەكرن،كو كار ژبۆ ب رێڤەبرنا كاروبار و هاریكاریا رزگاربوویان دكت.
بەرپرسێ رێكخراوا تولای یا رزگاربوویان و مالوێرانا(دەروێش هەسكانی)بۆ رۆژناما دەنگی لالش راگەهاند، ڕێكخراوا تولای ژ رێكخراوێن مرۆڤایەتی یە كو ژبۆ دانا مافێن رزگاربوویێن ئێزدی هاتیە ڤەكرن،ئەڤ ڕێكخراوە بناڤێ تولای هاتە ناڤكرن ژبەركو تولای زارۆكەكا كچ تەمەن دوو سالی بوو لبەر سنگێ دەیكا خۆ بوو ل رۆژا فرمانا سالا(2014)ێ هۆڤێن داعش ل بەرچاڤێ دەیكا وێ ب شێوەیەكی درندانە كوشت و ژبەر هندێ ناڤێ وێ بۆ رێكخراوێ هەلبژارت، هەر ژ سالا(2019)ێ رێكخراوێ دەستێ هاریكاریێ درێژكریە لسەر رزگاربوویان وەك ل سالا(2020)ێ چەندین دەستكەفت پەیداكرن بۆ رزگاربوویان ژ جهێن پەیوەندیدار،دیسان ئەم رابووین بۆ پەیداكرنا دەلیڤێن كاری بۆ رزگاربوویان ئەو ژی(100)پۆلیس ژ رزگاربوویان ئامادەكرن،هەروەسا ئارمانجا سەرەكی بدەستڤەئینانا مافێ رزگاربوویان و ب رێڤەبرنا كاروبار و هاریكاریا وانا بكەین و گۆت:((كەسێن دڤێ رێكخراوێ دا هەموو رزگاربووینە یان ژ مالباتێن رزگاربوویانن و هەموو ب شێوەیێ خۆبەخش كاردكن،ل هەركەمپەكێ ئێك هەتا دوو نوونەران دگەل مالباتێن رزگاربوویان هەنە)).
بەرپرسێ رێكخراوا تولای ئاشكەراكر ژی ئیرۆ رۆژ نێزیكی(2800)گرتیێن ئێزدی ل دەستێ تیرۆرستێن داعش دا ماینە،داخوازێ ل جیێن شۆلەژێ دكەین كار بۆ رزگاركرنا وان بكن و جارەكا دی ب دیتنا كەسوكارێن خۆ شاد ببن.
تُتاح هذه الصورة أيضا في: کوردی
