تۆرا لالش
ئیرۆ ل رێكه‌فتی 9/10/2025ێ،شاندەکی ئێزدیێن کوردستانا رۆژئاڤا کو بێکهاتبوون ژ خانم سعاد حسو ئەنداما ئێکەتیا ئێزدیان و ئەندازیار یارا حەسکۆ ئەنداما شاندێ دانوستاندکار دگەل دەستهەلاتا سوریایێ سه‌ره‌دانا باره‌گایێ بنگەهێ لالش ل دهۆكێ كرن و ژ ئالیێ سه‌عید جردۆ سه‌رۆكێ بنگه‌هێ لالش و ئه‌ندامێن ده‌سته‌یا بلند ڤه هاتنه ڤه پێشوازی كرن.
د سه‌ره‌دانێ دا هه‌ردوو ئالیان ره‌وشا سوریا بگشتی و یا ئێزدیان ب تایبه‌تی شرۆڤه‌كرن و بنگه‌هێ لالش پشته‌ڤانیا خۆ بۆ وان دا دیاركرن و هه‌روه‌سان داخوازا سه‌ركه‌فتنێ ژ وانڕه خواستن.
هه‌روه‌سان شاندێ ناڤبری ژ نێزیك ڤه هایداری كار و چالاكیێن بنگه‌هێ لالش بوون و دیاركرن بنگه‌هێ لالش خزمه‌ته‌كا مه‌زن پێشكێشی ئێزدیناسی و كه‌لتوور و كه‌له‌په‌پۆر و ره‌وشه‌نبیریا كوردستانێ كریه، ل داویێ هه‌ردوو ئالیان پشته‌ڤانی و هه‌ماهه‌نگیا خوه یا ته‌مام بۆ هه‌ڤدوو د هه‌ر بیاڤه‌كی دا دانه دیاركرن.
تُتاح هذه الصورة أيضا في: کوردی
