پرۆژێ ڤێراگەهشتنێن دەستپێكی بۆ 500 كچ و ژنان ل كەمپێن ئاواران هاتە ڤەكرن
تۆرا لالش:
جڤاتا ئافرەتێن شنگالێ دەست ب ڤەكرنا پرۆژێ خۆلێن راهێنانا ڤێراگەهشتنێن دەستپێكی یێن ساخلەمی و دەروونی،بۆ(500)كچ و ژنان ل كەمپێن ئاوارێن شنگال ل سنوورێ پارێزگەها دهۆكێ ڤەكریە.
ل رۆژا(15/6/2012)ێ خۆلێن راهێنانێ لدۆر ڤێراگەهشتنێن دەستپێكی یێن ساخلەمی و دەروونی و شیرەتكاریا دەروونی بۆ ژنان ژبال نۆژدار و تیمێن تایبەتمەند ڤە ژلایێ فەرمانگەها ساخلەمیا دهۆكێ و ب پشتەڤانیا راستەوخۆ یا رێڤەبەریا گشتی یا ساخلەمیا دهۆكێ و پشتگیریا دارایی یا رێكخراوا()یا ئەلمانی و ب ئامادەبوونا نوونەر و كەسایەتی و رەوشەنبیران و بەرپرسێن حكومی و حزبی و ئێكەتیا ئافرەتێن كوردستانێ هاتە ڤەكرن.
بەرپرسا جڤاتا ئافرەتێن شنگالێ(ئەدیبا سەیدۆ)بۆ رۆژناما دەنگێ لالش دیاركر،هزرا ڤی پرۆژەی هات پشتی هەلسەنگاندنا رەوشێ ل كەمپێن ئاواران و لدووڤ داخوازا ئاواران پشتی راوێژ گەل دا هاتیە كرن مە ب فەر دیت ئالیەتەكێ بۆ چاوانیا سەرەدەریكرنێ لگەل بوویەر و برینێن رۆژانە و تێكچۆنێن دەروونی ل حالەتێن نە ئاسایی ژبال گشت خەلكی ڤە دانێن،كو ئیرۆ هەر تاكەك ژ جڤاكی تووشی فشارا دەروونی دبت لەوا پێتڤیە خۆلێن راهێنانێ لدۆر بنەمایێن چارەسەریا دەروونی یا دەستپێكی و چاوانیا پێشكێشكرنا هاریكاریێ ب رێیێن ئارام بێنە ڤەكرن،زێدەباری ڤێراگەهشتنێن دەستپێكی یێن ساخلەمیێ وەكو گرنگیدان ب برین و سۆتن و هەناسێ ل نك زارۆكان و هتد.
ئەدیبایێ دیاركر ژی ل چەند كەمپان دەست ب ڤەكرنا ڤی پرۆژەی هاتیە كرن و ل هەموو كەمپێن ئاوارێن شنگال دێ ئێتە ئەنجام دان،ئارمانج ژێ بەرێخۆدانا خەلكی بەرەف ئاراستەیەكێ راستە كو ئەڤ هاریكاریا دەروونی و ساخلەمی كاریگەریا ئەرێنی بۆ ئافرەتێ و تەڤایا ڤاكی هەبت.
تُتاح هذه الصورة أيضا في: کوردی
