تۆرا لالش
ل ئێڤاريا ئیرۆ ڕۆژا پێنج شه‌مبوويێ 2/10/2025، بنگه‌هێ لالش ل دهۆكێ دانوستاندنه‌كا ڤه‌كرى بۆ نڤيسه‌ر و ڤه‌كۆله‌ر “مصدق تۆڤی” ل دۆر (كۆمكووژیا گه‌لیێ زیلان – جینۆسایده‌كا ڤه‌شارتی) ڕێكخست.
وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
ل دووڤدا ب ئاماده‌بوونا كۆمه‌كا بژاره ژ ئه‌كاديمى، كه‌سايه‌تى، مامۆستا و ڕه‌وشه‌نبيرێن ئێزديان، دانوستاندنا ڤه‌كرى ده‌ستپێكر.
ل به‌راهيێ نڤيسه‌رى دادیاركرن: گه‌لیێ زیلان یا ل كوردستانا باكووره له‌شكه‌رێ تركا ئێك ژ مه‌زنترین كۆمكووژی ئه‌نجامدا ئه‌وژی گوندیێن 25 گوندان لێك كۆمكرن كوشار و زولم و سته‌م و ره‌ڤاندن به‌رامبه‌ری وان ل گه‌لیێ زیلان هاته ئه‌نجامدان، بۆ ماوێ بتر ژ بیست سالان وه‌لاتێ تركیا رێك نه ددا هیچ نڤیسه‌ر و ڤه‌كۆله‌ره‌ك سه‌ره‌دانا وێ ده‌ڤه‌رێ بكه‌ت داكو هیچ كه‌سه‌ك راستیا بابه‌تی نزانت.
گۆتژى: خالا جهێ خۆشحالیێ مێژوونڤیسان تا راده‌یه‌كی باش دیرۆكا پری تراجیدی یا ڤی گه‌لی توركیا نڤیسیه و خۆبه‌ختانه نهۆ ڤه‌كۆله‌ر به‌لگه‌یان ل سه‌ر وێ كۆمكووژیێ كۆمدكه‌ن.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ نڤيسه‌رى ڤه هاتنە دان.
تێ زانین گه‌لیێ زیلان ل سنوورێ باژێرێ وانێ یه ل باكوورێ كوردستانێ.
ل هه‌موو ڕۆژێن پێنج شه‌مبا ل بنگه‌هێ لالش ل دهۆكێ، دانوستاندنه‌كا ڤه‌كرى ل دۆر مژارێن جودا جودا ده‌رباره‌ى ڕه‌وشا ئێزديان بۆ ڕه‌وشه‌نبيران دئێته ڕێكخستن.
تُتاح هذه الصورة أيضا في: کوردی
