تۆرا لالش
ل رێكه‌فتی 30/9/2025ێ، ب مەرەما گهۆرینا کەش و هەوایی گەنجان و پشتەڤانیا وان، بنگەهێ لالش تایێ باعەدرێ بەریکانەکا رەوشنبیری و زانستی بۆ نێزیکی شێست بەشداربوویان ل هۆلا باعەدرێ یا بیرەوەریا ئەنجامدا.
ب ئامادەبوونا بەرپرسێ لیژنا ناوچا باعەدرێ یا PDK ێ بەڕێز (نجیم الیاس) و سەرۆکێ دەستەیا بلندا بنگەهێ لالش بەڕێز (سه‌عيد جردۆ) و کاندیدێ لیستا پارتی دیموکراتی کوردستان بۆ پەرلەمانێ عێراقێ بەڕێز (د. فارس کتی) ڕێ و رەسمێن بەریکانێ ب رێڤەچوون.
ل دەستپێکێ بەرپرسێ بنگەهێ لالش باعەدرێ (م. خلات باعەدری) بخێرهاتنا تەڤایا ئامادەبوویان کر و رۆناهی ئێخستە سەر ئەگەر و مەرەمێن ئەنجامدانا ڤان چالاکیان.
پاشی بەریکانێ دەستپێکر ب شێوازێ گرۆپان و ب سەر هژدە گرۆپان هاتنە پارڤەکرن و ل هێڤاریەکا ئارام و کەش و هەوایەکی پایزی دا پشکداربوویی تەڤلی جیهانا زانست و رەوشنبیریێ بوون.
ل داویێ پێنچ گرۆپێن سەرکەفتی هاتنە خەلاتکرن ب دیاریێن بنگەهێ لالش باعەدرێ و ژلایێ بەڕێزێن ئامادەبووی ڤە هاتنە دابەشکرن.
دیسان تەڤایا پشکداربوویێن دیتر دیاری ب سەر واندا هاتنە پێشکێشکرن وەک هاندان بۆ زانست و زانینێ و بهێزکرنا بیاڤێ رەوشەنبیری ل دەڤەرێ.
تُتاح هذه الصورة أيضا في: کوردی
