تۆرا لالش
ل ئێڤاريا ئیرۆ ڕۆژا پێنج شه‌مبوويێ 25ى ئه‌یلولا 2025، بنگه‌هێ لالش ل دهۆكێ دانوستاندنه‌كا ڤه‌كرى بۆ نڤيسه‌ر و ڤه‌كۆله‌ر و سیاسه‌تمه‌دار “د.ئیبراهیم ئه‌حمه‌د سمو” ل دۆر (كه‌لتوورێ ئێزدیان…زمان و دراما) ڕێكخست.
وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
ل دووڤدا ب ئاماده‌بوونا كۆمه‌كا بژاره ژ ئه‌كاديمى، كه‌سايه‌تى، مامۆستا و ڕه‌وشه‌نبيرێن ئێزديان، دانوستاندنا ڤه‌كرى ده‌ستپێكر.
ل به‌راهيێ نڤيسه‌رى ب كورتی ب به‌حسێ ب سه‌رێ ئێزدیان دا هاتی كر.
دلايه‌كێ دى دا، نڤيسه‌ر د.ئیبراهیم ئه‌حمه‌د سمو دادیاركرن: ئێزدیان زمانێ كوردی یێ پاراستی، ئه‌م كورد د ده‌وله‌مه‌ندین، به‌لێ ئێزدیان و ئێزدیاتیێ كه‌لتوور و كه‌له‌پۆر..هتد یێ كوردان یێ پاراستی، دڤێت ئه‌م گرنگیه‌كا تایبه‌ت بده‌ینه ئێزدیان.
گۆتژى: هه‌بوونا ئێزدیان و ئێزدیاتیێ زمانێ كوردی زه‌نگینتر لێ كر، هه‌روه‌سان په‌یڤێن ئێزدیان د ره‌سه‌نن، یا گرنگ ئه‌وه ئاخ و كه‌سایه‌تی و ئاین و كه‌لتوورێ ئێزدیان بهێـته پاراستن.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ نڤيسه‌رى ڤه هاتنە دان.
په‌رتووكا ميترا ب زمانێ عه‌ره‌بى هاتيه وه‌شاندن و نوكه كه‌فتيه به‌رده‌ستێ خوانده‌ڤانان.
ل هه‌موو ڕۆژێن پێنج شه‌مبا ل بنگه‌هێ لالش ل دهۆكێ، دانوستاندنه‌كا ڤه‌كرى ل دۆر مژارێن جودا جودا ده‌رباره‌ى ڕه‌وشا ئێزديان بۆ ڕه‌وشه‌نبيران دئێته ڕێكخستن.
تُتاح هذه الصورة أيضا في: کوردی
