پشكنینا DNA لسەر 253 رووفاتێن جینۆسایدا شنگال دئێتە كرن
باسنيوز:
ئەندامەكێ دەستەیا ڤەكولین و كۆمكرنا بەلگەنامەیان ل پارێزگەها دهوكێ دیار كر كو 253 روفاتیێن جینوسایدا شنگال ل نوژداریا داد ل بەغدا ماینە پشكینا DNA ل سەر دهێتە كرن داكو ناسنامەیێن وان بهێنە ئاشكراكرن.
فەلاح حەسەن، ئەندامێ دەستەیا ڤەكولین و كۆمكرنا بەلگەنامەیان ل پارێزگەها دهوكێ بۆ (باسنیوز) راگەهاندكو: “357 روفات ژ ناڤ گۆرێن بكۆم یێن شنگال هاتینە دەرئێخستن بتنێ ناسنامەیێن 104 روفاتان ئاشكرابووینە و هیشتا ناسنامەیێن 253 روفاتیێن ناڤ گۆرێن بكۆم یێن بۆ نوژداریا داد ل بەغدا هاتینە رەوانەكرن ئاشكرا نەبوویە ئەڤە دەمەكێ درێژە روفاتیێن قوربانیێن جینوسایدا شنگال بۆ بەغدا هاتینە رەوانەكرن و هیشتا ناسنامەیێن وان ئاشكرا نەبووینە ژبەركو پشكنینا DNA ل سەر هێتە كرن”.
فەلاح حەسەن، ئاشكەرا كركو: “ل شنگال 82 گۆرێن ب كۆم هەتا نۆكە یێن هاتینە دیتن سالە 2014ێ ژلایێ تیرۆرستێن داعش ڤە خەلكێ شنگال تێدا هاتینە گوللەبارانكرن د قوناغا ئێكێدا 20 گورێن ب كۆم هاتینە ڤەكرن و هەموو روفات بۆ نۆژداریا داد ل بەغدا هاتینە رەوانەكرن ب مەرەما ئەنجامدانا ڤەكۆلینی ل سەر روفاتان وئاشكراكرنا ناسنامەیێن قوربانیێن جینوسایدا شنگال”.
تُتاح هذه الصورة أيضا في: کوردی
