تۆرا لالش
خۆشبەختبووم دەما ل کۆنگرەیێ ١٤ـێ، هاتینە هەلبژارتن وەک ئێک ژ ئەندامێن دەستەیا بلندا بنگەهێ لالش، بنگەهێ لالش دبستان و زانینگەهەکا پڕی مەعریفیی و جوانییە هەروەسان پڕەکە ڕەوشەنبیرییه و زانینە، هەلبەت ب شانازیڤە شاگردەکی ڤێ دبستانا پڕی شانازی و دەستکەفتم.
پڕ هەبووینە هاتینە بنگەهێ لالش، هەر ئێک و ئارمانجەک هەبوویە، مافێ هەر کەسییە ئارمانج و خەونەک هەبت، لێ بۆمە خەونا هەرە مەزن ب هەڤکارییا ڕێهەڤالێن مە ب سازیکرنا لالش و ئەم هەموو پێکڤە ژ تۆنێلا تارییا مللەتێ مە تێدا بەرەڤ داوییا تۆنێلێ بچین و بگەهینە رۆناهیا رۆژێ و ئەو رۆژ ژبۆی مە ببییتە چاڤکانیێ ژیانێ.
سەرەرایی جیاوازییا بیروبۆچۆنێن مە، لێ خالا هەڤپشکا ستراتیژییا مە هەمووان “ئێک” بوو.
ئارمانجا بنگەهێ لالش ژ تێرمەکی، پەیڤەک، جوگرافییەکێ مەزنترە، بەلکوو ئارمانجا مە سنووربر و جوگرافیی بەزینە.
د فەلسەفا ژیربێریێ دا ژی، ئێک ژ بناغەیێن هەری جوان ئەوە کو چاوا هزرێن ‘جوان و ماقوول’ پێکڤە بگونجن، ئارمانجا مە ئەوبووییە کو هزرێن جوان یێن هەموویان پێکڤە بەرز و بلندکەین و بگەهینە باوەرییا ب هەڤرەکارکرنێ ژپێناڤ بنگەهێ لالش.
ئارمانج زۆرن، هیڤیێن مە د مەزنن، لێ هیچ تشتەک نە ‘مەحالە’ ژبۆی مە.
مالئاڤیی بۆ وان یێن دەستێ مەگرتین، رەخنە ، تیبینی، پێشنیار داینە مە و هەتا کو ئاستەنگی ژی بۆ مە دروستکرین، ئەم بهێز و بهێزترکرین، و ل داویێ “ماین”.
جەنابێ سەرۆکێ حکومەتێ ڕێزدار مەسروور بارزانی و نڤیسینگەها جەنابێ وی هەرتم و تم بێ دوو دلی خۆ ل هەموو کارێن مە کریە خودان و پشتەڤان و پاڵپشت بووییە.
پیرۆزە دامەزراندنا جوانترین و مەزنترین سازییا ئێزدیان.
تُتاح هذه الصورة أيضا في: کوردی
