تۆرا لالش
دەربازبوونا ” ۱۲۷ ” سالان ب سەر ئێكەم ڕۆژنامەیا كوردی، ل سالا ” ۱٨۹٨ ” ئێکەم ڕۆژنامەیا کوردی ب ناڤێ ڕۆژناما كوردستان ژلایێ میقداد مەدحەت بەدرخانی ڤە ل قاهیرە پایتەختێ مێسری هاتە بەلاڤکرن.
ئەڤ ڕۆژنامه ب زاراڤێ كرمانجیا سەری، ب تایبەت ئاخفتنا شێوازێ ناوچەیێن جەزیرە و بۆتان هاتبوو بەلاڤکرن هەروەسا ئەڤ ڕۆژنامە نێزیکی دوو هەفتیان جارەکێ یان درەنگتر د هاتە بەلاڤکرن و هه‌روه‌سان ڕۆژناما كوردستان ده‌نگێ كوردان بوو.
ڕۆژناما كوردستان هەتا دەرکەفتنا ژمارا پێنجێ میقداد مەدحەت بەدرخان سەرنڤێسەرێ وێ بوو، پاشێ ل دووڤدا دەرکەفتنا ژمارەێن دی یێن ڕۆژنامێ عەبدولڕەحمان بەدرخانی برایێ وی ئەڤ ئەركە وەرگرت و بەردەوامێ پێدا.
ڕۆژنا كوردستان ب گشتی ” ٣١ ” ژمارە ژێ دەرچوون، ژمارا ئیکێ هەتا پێنجێ ل قاهیرە بوو، ژمارا شەش هه‌تا ” ۱۹ ” ل جنێڤ، ژ ۲۰ هەتا ۲۳ دیسان ل قاهیرەیێ دەرچوو و هەروەسان ژمارا ۲٤ ل لـەندەن، ژمارە ۲٥ هەتا ۲۹ ل ڤۆڵكستۆن، ژمارا ۳۰ و ۳۱ ل جنێڤ دەرچوون و پشتی ژمارا ڕۆژنامە ل ۱٤ ی نیسانا سالا ۱۹۰۲ بەلاڤبووی.
ناڤەڕاستا سالێن شێستێن سەدێ بۆری دا ، چەند ژمارەیەکێن ڕۆژنامێ ژ لایێ د-مارف خەزنەدارە هاتنە دیتن و چاپکرن، بەری هنگی هەموو ژمارەێن ڕۆژنامێ، بتنێ ژمارە ۱۹ تا نۆکە نەهاتیە دیتن.
ڕۆژنامەیا كوردستان ڕۆلەکێ گرنگ ب خۆڤە دیت چنكو داكۆكیكار و بەرزکرن و گەشەكرنا هەستێ نەتەوایەتی و خەباتكرن بوو بۆ ب دەستڤەئینانا مافێن گەلێ كورد.
ڕۆژا ڕۆژنامەگەریێ پیرۆزبت ل ڕۆژنامەڤانێن جیهانێ بگشتی و کوردستانێ ب تایبەتی، ڕۆژنامەڤانێن کوردستانێ بوونە پرەك بۆ گەهاندنا ڕاستیان و دروستکرنا پەیوەندیێن مەدەنی د ناڤبەرا جڤاك و حکومەتێدا، هەروەسا ب بوێرەکی و گشتی د کاروانێن ژیانێدا شیانە ڕۆلەکێ به‌رچاڤ ب گێڕن د گەهاندنا دەنگ و رەنگ و دیمەنێن جیاواز یێن جڤاکی ب تایبەتی د ڕوماڵکرنێدا ل سەنگەرێن پێشیێ دا بۆ بەرگریکرنێ ژ ئاخا کوردستانێ .
تُتاح هذه الصورة أيضا في: کوردی
