ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جەمال كــــودی:كەد وبزاڤا جەلیلێ‌ جەلیل دپەرتۆكەكێ‌ دە هاتە دیاركرن

كەد وبزاڤا جەلیلێ‌ جەلیل دپەرتۆكەكێ‌ دە هاتە دیاركرن
جەمال كــــودی
ژبۆ دانەناسین ودیاركرنا كەد وبزاڤا ڤەكۆلەر ونڤیسكارێ‌ ناڤدارێ‌ سوفیەتا بەرێ‌ جەلیلێ‌ جەلیل دبیاڤێ‌ چاند ورەوشەنبیریا كوردی دە بەری ماوەیەكە پەرتووكەك ل ژێر ناڤێ‌ جەلیلێ‌ جەلیل رۆلێ‌ وی یێ‌ رەوشەنبیری وكەدێت ویدبیاڤێ‌ كوردۆلۆجیا یێ‌ دە هاتە وەشاندن. پەرتوك ژلایێ‌ نڤیسكار حجی قاسم خدر ڤە هاتیە نڤیسین وژسێ‌ پشكێت سەرەكی پێك دهێت و ئەو هەرسێ‌ پشك دبنە چەند سەرە بابەت و تێدە باس ل رۆل و كەد وبەرهەم و ماندیبون وخەمخۆریا نڤیسكارێ‌ مەزن جەلیلێ‌ جەلیل هاتیە كرن. دلاپەڕێت دە ستپێكی دە پێشەكی ژلایێ‌ نڤیسكاری ڤە هاتیە نڤیسین وتێدە ئاماژە دایە وێ‌ چەندی كو گرنگی پێدان بكەسایە تیێت وەسا پێنگاڤەكە باشە ژبۆ زەنگیكرنا پەرتۆكخانا كوردی وهەر وەسا بەحس ل رۆل وپووتەپێدانا نڤیسكار جەلیلێ‌ جەلیل ب ئەدەب و تۆر وچاندا كوردی كریە . پاشی گرنگیا خواندنا مێژووا ژیانناما كەسان كریە سەرە بابەتەك وچەندەك لدۆر گرنگیا وێ‌ و چاوان بویەر برێكا بەر هەم و ماندیبونا هندەك كەسان دئێنە تۆماركرن. بەشێ‌ ئێكێ‌ یێ‌ پەرتووكێ‌ لدۆر رەه وریشالێت بنەمالا جەلیلێ‌ جەلیل و رۆلێ‌ وان دبزاڤا رەوشەنبیریا كوردی دە هاتیە بەلاڤكرن؛ وەك مێژووا پەیدابوونا بنەمالا وی وبزاڤا رەوشەنبیری و پشكدارییا بنەمالاوی د دامەزراندن وبرێڤە برنا بەشێ‌ كوردی رادیۆیا یریڤان 1955ـ2002وهەروەسا ژدایك بوون وقوناغێت فێربوونا وی ئانكو ئەو جهێ لێ‌ خواندی وباوەرنامێت بدەستخۆڤە ئیناین، دپێرە دچەند رێزەكاندە باس ل چێبوونا هزرا وی دئێتە كرن كا چاوە لدیف رێك ورێبازێن بنەمالا خۆ یا خوەندەڤان وفلكلۆرناس دچت وژبلی كاریگەرییا رەوشەنبیریا رووسی، هەر دوی بەشی دە بەحس ل پەیوەندیێت وی دگەل ئەرمەنا وگاریگەرییا وان دژیانا وی یاگشتی دە و كوردێت ئەرمێنیا دنڤیسینێت جەلیلێ‌ جەلیل دە هاتیەكرن. بەشێ‌ دووێ‌ یێ‌ پەرتووكێ‌ ب كەد و گرنگیدانا جەلیلێ‌ دبیاڤێ‌ مێژویێ‌ دە هاتە ناڤكرن و چەند بابەتێت جودا جودا لدۆر بەرهەمێت وی لدۆر مێژووا كوردی بخۆڤە دگرت؛وەكی جهێ‌ مێژویێ‌ دهزراوی دە و خواندنا شرۆڤەكاری یا هندەك بەرهەمێت وی یێت مێژوویی و بزاڤێت وی دبیاڤێ‌ مێژویێ‌ دە و كەدێت وی لگەریانا چەندین ژمارێت هندابوی یێت رۆژناما كوردستان10ـ12وبۆچۆنێت وی لدۆربارودۆخی سیاسی ورەوشەنبیری وهزری یێ‌ مللەتێ‌ كورد وئا ستەنگێت رەوشەنبیریا كوردی ل ئورپا وزێدەباری بیر و بۆچۆنێت نڤیسكار وڤەكۆلەرا لدۆر بەرهەمێت وی .
بەشێ‌ سیێ‌ ودوماهیێ‌ ژپەرتووكێ‌ بڤی ناڤ و نیشانی یە: گرنگییا جەلیلێ‌ جەلیل ب فلكلۆرێ‌ كوردی وپشكداریێت وی یێت زانستی دبیاڤێ‌ كوردۆلوجیایێ‌ دە ل نەمسا؛ ئەوژی ڤان بابەتێت لخوارێ‌ بخۆڤە دگرت : پێناسا فلكلۆری و رێكێت كۆمكرنا وی، ئێزدی دبەرهەمێت وی دە، جهێ‌ زمانێ‌ كوردی لنك جەلیلێ‌ جەلیل دكۆمكرنا فلكلۆری دە، بەرهەمێت وی دبیاڤێ‌ فلكلۆری دە، پرۆگرمبوونا وی دنڤیسینا فلكلۆری دە، كەدێت جەلیلێ‌ جەلیل یێت زانستی دباڤێ‌ كوردۆلۆجیادە ل نەمسا. لدوماهیێ‌ نڤیسەری دچەند خالەكان دە دەرئەنجام ژی دیاركرینە. پەرتووك ژقەبارێ‌ ناڤینە وژ200لپەرا پێك دهێت وژوەشانێت دەستەیا بلندا بنگەهێ‌ لالش یێ‌ رەوشەنبیری وكۆمەلایەتی یە؛ دانانا حجی قاسم خدر،دەرهێنانا هونەری هەكار فندی ،چابخانا هاوار دهۆك2023.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi