جينۆسايدا ئێزديان تاوانەکا ب دل ئێش و ناخ هەژین بوو
فاديا به‌ده‌ل
هیشتا ژيانا خه‌لكێ مه يا سه‌خت و دژواره، ڤە نەهـ سال بۆرێن هەتا نۆكه خەلکێ مە يێ ئاواره‌يە و د ژیانەکا گەلەك زەحمەت ل بن خیڤەتاندا دەرباز دکەن هێشتا دگەل وێ فەرمانی دژین فرمان دیڤ فرمانێ، نەخۆشی ل دووڤ نەخۆشیێ، هه‌روه‌سان ل وه‌رزێن هاڤین و زڤستانێ يێن هه‌موو سالان نه‌خۆشييان د بينن.
نەهـ سال بۆرين ل سەر کومکووژیا ب سەرێ ئێزدیان دا هاتی ب لێبورین ڤە هەتا نۆكه لايه‌ننێن شۆله‌ژێ نکاریە پرۆسه‌یا ب رێڤەبرنا کەیسا ئێزدیا وەك پێتڤی کار ل سەر بکەن، سەرەرای دەربەدەری و دەردەسەری و ئێخسیریا خەلکێ مه كو دخوازن ژیانەکا خۆش بۆ وان بهێنه دابینكرن، ژ داخوازيان شنگال وەکی بەرێ بزڤرت ئانكو ئارامی و ئازادی و ئیمناهی لێ په‌يدابت داكو خوه‌جهێن وێ ڤه‌گه‌رنه سه‌ر جهـ و وارێن خۆ، د ئاواره‌ييێ ده چادرێن وان ببن بلۆك.
تراژديیەکا مەزن ب سه‌رێ ملله‌تێ مه هاتيه ئه‌وژى ب هەزاران زارۆک و ژن ل سەر دەستێ گرۆپێ تیرۆرستێن بێ دین و بێ خودێ بوونه قوربانى كو ئەڤە بەری نەهـ سالان ئانكو ل سالا (٢٠١٤)ێ هاته ئه‌نجام دان، خەلکێ شنگالێ ژیانەكا خۆ ب خوشی دەربازدکرن و دایک و بابان زارۆکێن خو ب جوانی مەزن دکرن و ژیانەکە بەختەوەر دبۆراندن پاشی د ئێک خۆله‌ك ده و د شەڤەکا تاری دا گرۆپێ تیرۆرستيێ داعش ب شێوەيه‌کی درندانە هێرش کرنە سەر دەڤەرا شنگالێ و جینوساید دژی خەلکێ بێ گونەهـ ئەنجامدان کو دژی هەموو بنەمایێن مافێ مرۆڤی بووینە و ژیانا وی خەلکی ژ ناڤبر و تالانکرن و بەرچاڤێ وان زەلام دکوشتن و ژن و زارۆک د راڤاندن تشتەك ژ ڤێ نەخۆشتر و دل ئێش تر نینە.
ئەڤ جێنوسایدا شنگالێ مەزنترين تاوانا ل دژی مرۆڤايه‌تیێ يه د چەرخێ بیست و ئێکێ دا تاوانەكه كو ل چ مللەتان نەهاتیەكرنه‌ە، یا پێتڤیە ب هیچ رەنگەکی رێک نەئێتەدان ئەڤ کومکۆژی و تاوانە دووبارە ببنەڤە.
ل دوماهیێ دبێژم سلاڤ ل سەر گیانێ پاقژێ شەهیدێن جینوسایدا شنگالێ و تەڤایا شەهیدێن کوردستانێ بن.
تُتاح هذه الصورة أيضا في: کوردی
