لایەنێن سیاسی فەرە ڕێزێ ل قوربانیێن ئێزدیان بگرن د پرسا چارەسەرکرنا شنگالێ دا
صباح سمير
هێرشا گرۆپێن توندرەوی بۆ وەلاتێ عیراقێ ل سالا ٢٠١٤ ێ چەندین رەهندێن کەڤن یێن شەرێ تایفی ل عیراقێ دیارکرن ،ژبەر کو عیراق چەندین مللەت و ئۆل و نەتەوەیێن جیاواز تێدا دژین کو ب شێوازەکی زۆری دئێک وەلاتی پێکڤە وەلات هاتیە ئاڤاکرن ل سەر دەمێ رێکەفتنا سایکس بیکۆ دا ،ژبەر ڤێ چەندێ کو گەلەک کریزێن تایفی و نەتەوەیی ل عیراقێ هاتنە روودان و پشکا هەرا مەزن ژ قوربانیا کو کێمینەیێن ئاینی و نەتەوەیی بوونە .
هێرشا تیرۆرستێن ل ٣ی تەباخا ٢٠١٤ بۆ دەڤەرێن ئێزدیان و ب هەر ئاوایەکی کو ئەفسانەیا وان توندرەو و تیرۆرستان ترسەکا مەزن خستە دلێ هەر کەسی دا ، چونکی ب شێوەکی درندانە خەلک هاتە کوشتن و کچ و ژن هاتن کەنیزەکرن ل بازارێن مووسل و رەقە کرین فرۆشتن ب ئێزدیان هاتە کرن ، دەمێ بەرێ دا مە ژ کال و بابێن خوە گوهـ لێ دبوو کو هۆسا ب ڤی رەنگێ درندە هێرشی ئێزدیان و دەڤەرێن ئێزدیان دهاتە کرن دەما مە دگۆت خەلکەکی کو پتر ژ هەفتی فەرمانا ب سەرێ مە هاتیە گەلەکا ژ وان باوەر نەدکر ،چونکی نە وەک ڤی سەردەمی تەکنۆلۆژیا یا پێشکەتی بوو و هەر تشت نە دهاتە دیکۆمێنتکرن .
قۆناغا ئیرۆ گەلەک جیاوازترە ژ بەری و ئەم د وێ باوەریێ دانە کو قۆناغا پشتی فەرمانێ جڤاکا ئێزدی خوە بهێزتر دبینت ژ بەری فەرمانێ دەم هاتیە کو ئەم ژی بکارن وەک هەر مللەتەکی دی ل بەر خوە بسەکنن و ل بەر خوە بدەن چونکی قۆناغا ئیرۆ نە وەکی یا بەری سالا ٢٠١٤ ێ یە، لێ دئێتە خواستن کو چەند کارێن گرنگ بێنە هاڤێتن ،چونکی جڤاکا ئێزدیان دخوازت ئەوێن جینۆساید ل دژی ئێزدیان ئەنجامداین هەتا نهۆ ب شێوەکی بەرچاڤ نەهاتنە دادگەهکرن و فەرە دادگەهەک عادل بێتە دروستکرن و دەربرینێ ژ چەسپاندنا یاسایێ دا بکەت و عەدالەتێ بۆ ئێزدیان جێبەجێ بکەت ، کو ب سەدان ژ وان کەسێن تیرۆرست دناڤا زیندانێن عیراقێ و کوردستانێ و یێن ل دڤەرێن رۆژئاڤایێ کوردستانێ دا ل ژێر دەستهەلاتا قەسەدێ دا دگرتینە و.ژلایێ یاسایا ژی ڤە وەکی پێتڤی نکارینە خزمەتا قوربانیا و رزگاربوویێن دەستێ داعش بکەن و بێنە قەرەبۆکرن و پرسگرێکێن وان بێنە چارەسەرکرن .
ژلایێ پرۆژەیان ڤە کو خەمساریەکا ئێکجار مەزن هاتیە کرن ئەڤە نێزیکی نەهـ سالانە کو بودجەیا پرۆژەیان دیار نینە و هێچ خزمەتگوزاری یێن سەرەکی نەهاتینە چێکرن و فەر بوو سندۆقەکا نێڤدەولەتی و کۆنڤرانسەکی نێڤدەولەتی هاتبا ل دارخستن ژبۆ کۆمکرنا هاریکاریێن ئاڤاەدانکرنێ و حکومەتا عیراقێ هەول نەدایە ژێرخانا ئاڤاکرنێ ل دەڤەرا شنگالێ دورست بکت .هەردیسان لایەنێ دی هەبوونا گرۆپێن جیاواز رەوش پتر ئالۆزکریە و نکارینە ئیدارەکا نوی پێک بینن ژ پێخەمەت خزمەتکرنا ئێزدیان و قوربانیێن وان ،فەرە لایەنێن سیاسی دمەسەلا چارەسەرکرنا کێشەیا شنگالێ دا رێز ل قوربانیێن ئێزدیان بگرن دچارەسەرکرنا ڤێ مەسەلێ دا.
تُتاح هذه الصورة أيضا في: کوردی
