تۆرا لالش
ل رێكه‌فتی 18/10/2025ێ، ل ژێر سه‌رپه‌رشتی و پشته‌ڤانیا نڤیسینگه‌ها لالش گۆهبه‌ل به‌ریكانه‌كا زانستی ل هۆلا قه‌سر ئێزدینێ ل ناحیا خانكێ هاته ئه‌نجامدان.
به‌ری به‌ریكانه ده‌ستپێبكه‌ت ئاماده‌بووی خۆله‌كێ بۆ گیانێ پاكێ شه‌هیدان و سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین و دووڤدا د ته‌وه‌ره‌كی دا به‌حس ل هه‌لبژارتنێن په‌رله‌مانێ عیراقێ هاته كرن و داخواز هاته كرن كوردێن ئێزدی پشكداریه‌كا كارا د هه‌لبژارتنان دا بكه‌ن داكو نونه‌رێن خوه ل په‌رله‌مانی هه‌بن و به‌ره‌ڤانیێ ژ ئێزدیان و مافێن وان بكه‌ن و هه‌موویان پشته‌ڤانیا خوه بۆ لیستا 275 یا پارتی و بارزانی كاندیدێ ژماره 14 (د. فارس الیاس كتی) دانه دیاركرن.
دووڤدا به‌ریكانا زانستی ب پشكداریا مامۆستا و ره‌وشه‌نبیر و ده‌رچۆیێن زانكۆ و په‌یمانگه‌هان ده‌ستپێكر و به‌رده‌وام پرسیارێن زانستی و كۆمه‌لایه‌تی و ئاینی و وه‌رزشی و گشتی و هونه‌ری ئارسته‌ی وان دهاتنه كرن و ل داویێ گرۆپێن سه‌ركه‌فتی هاتنه خه‌لاتكرن و چه‌نته‌یێن كارگێری ب سه‌ر هه‌موو ئه‌ندامێن هه‌موو گرۆپان هاتنه دابه‌شكرن و هه‌روه‌سان دیاریێن ره‌مزی ژی ب سه‌ر پشكداران هاتنه پارڤه‌كرن.
تُتاح هذه الصورة أيضا في: کوردی
