ئێزدی د دنیابینیا بارزانی و سیاسەتا نوو یا پارتی دا
سالار عوسمان
وی وەختێ تیرۆرستێن خەلافەتا ئیسلامی ل مووسلێ ب شێوەیەكێ خویناوی دەست بسەر شنگالێ دا گرتی و ئەو ترس و تۆقاندن بەلاڤەكری كو تاكو دەهان سەدێن دی دێ ئێتە بەحسكرن و نائێتە ژبیركرن، د وی وەختی دا هندەك كەس د پشت راست بوون كو ئەفسانەیا وان دێوەزمەیە پشتی ماوەیەكێ كێم دێ بەرۆكێ ناڤچێ بەردەت،ب رادەیەكی كو پشكەك ژ ئیسلاما سیاسی ل كوردستانێ ب دلێ خۆ هەڤسۆزێن وان بوون، ئەرێ د وان رۆژێن رەش و بێ هیڤیێ دا، سەرۆك بارزانی وەكو فریادرەسەكێ مێژووی ئەو ب خۆ و ب پێشمەرگێن خۆڤە وەكو چیایان بنجیان ئەوان داقوتا و هەناسە ب هەناسە بەرامبەر سوپایێ وان جەنگین و رووبرووی هێزا تاری چۆن و تێك شكاندن و شنگال رزگاركرن،بارزانی بوو تروسكەیا ناڤ تاریستانا هیڤی بڕی كرین، ئەڤجا وی دەست ب نڤیسینا درێرێن زێرینێن مێژوویێ كر و ئێزدی د جنگێ درندەیێن خەلافەتێ رزگاركرن، بۆ ژێبرنا ئاسەوارێن وێ پێلا شۆم یا داعشێ و دووبارە ئاڤەدانكرنا شنگالێ بارزانی دەستپێشخەری كر و رێككەفتنا ئاساییكرنا شنگالێ دگەل بەغدایێ ئیمزاكر.
هەرجارەكێ شنگالێ هاوار كربت و ئێزدیان داخوازی كربن بارزانی ئێكسەر ب هانایا وان ڤە چۆیە، پشتی وێ چەندێ د كۆنگرێ 14ێ یێ پارتیدا،بارزانی دیت هیچ ئەندامەكێ پارتی كۆمیتەیا ناڤەندیا پارتی ژ پێكهاتەیا ئێزدیان دا نینە،هاتە سەر ستەیچی و رستەیا ب ناڤ و دەنگ كر و گۆت بەرێزان دبینم خەلەلەكا مەزن یا هەی و من دڤێت دەستهەلاتا چاككرنێ بدەنە من بۆ چاككرنا ڤێ خەلەلێ و پارتیان ژی وەكی نەریتێ هەردەمی و پابەندبوون و باوەریا رەها ب دنیابینیی یا بارزامی دان ئەوژی ب چەپلەلێدانەكا گەرم ئەو دەستهەلات و شەرعییەت ب سەرۆك بارزانی بەخشین،بارزانی وەكو ئەندازیارێ بێ ركابەرێ سیاسەتێ و دنیابینی بارزانی و خودانێ وێ شۆرەشا مەزن یا نەتەوا كورد كو ژ لێوارێ ڤەنابوون دەرئینا و كرە خودانێ قەوارەیێ خۆ، دزانیت وێرای وێ دەستكەفتا مەزن، بەلێ ئەگەر پارتی ئێزدیان د پەراوێزێ دا بن،هێشتا خەلەلەكا مەزن تێدایە،چنكو بۆ بارزانی،ئێزدی نەك پەراوێز نینن،بگرە چەقێ مێژوویا مەنە و ئەو بەشەكێ سەرەكی یێ ناسنامەیا ڤی نیشتمانی و نەتەوەی نە.
ئەندامێن بالا یێن پارتی گەهشتنە وێ راستیێ،كو بارزانی زۆر باش دزانت،كەنگی و چاوان شاشیان ڕاست ڤە دكەت بێ كو ڕێ بدەت درزەكان ببنە كەلێن،وەك هۆەستایەكێ شارەزا و ئەندازیارەكــێ كارامە،وەك خودانێ وی داینەمـــۆیێ مەزنە یێ مێژوویا كوردان كو ناڤێ وی پارتی یە،ب چـــاڤێ حیكمەت و دانایـــی دزانت كو ڕەوتا نووی یا پارتی، هەســـتیاریا قۆناغێ،بێ بەشداریا ئێزدیان،نەیا تەمامە،لەوا هەر ئێكسەر،بەری ئەندامێن كۆنگرەی بەلاڤ ببن،دئێت و ئیستێك ب كۆنگرەی دكاەت:بوەستن،خەلەلەكا مەزن هەیە و ڕێ بدەن چارەسەر بكەم،ئەو پێگەیێ گرنگ یێ ئێزدیان دناڤ دنیابینییا بارزانی و ناڤ سیاسەتا پارتی ل قۆناغا نوو دا،پارتـــی تۆكمەتر و تەیارتر دكەت،سیاســـەتا پارتا چالاكتـــر و پاراوتر دكەت،وێنەیی پارتی لـ ناڤەندێن نێڤ دەولەتی، ل ناڤ دێڕێن مێژوویێ دا،د پێگەها جیهانێ دا ڤەژینت و دسەلمینت كو پارتی حزبا هەموو پێكهاتایە،حزبا هەموو فەرهەنگ و ئایدیا و ئایینایە.پارتی داینەمۆیێ كۆمەڵگەها كوردستانێ یە ب هەموو دەنگ و ڕەنگان، ئەو كنارێ ئارامیێ یە،كو بارزانی دركی پێ كر،ئەڤە ئەو وێســـتگەهەیە كو هەموو پارتی تێدا ڕاوەســـتان و شـــەرعیەتا چارەســـەركرنا خەلەلێ و جوانتركرنا وێنەیێ پارتی ب بارزانی بەخشی.
تُتاح هذه الصورة أيضا في: کوردی
