تۆرا لالش
د کەش و هەوایەکی بالکێش دا و پێخەمەت ڕێزگرتن ل کەد و ماندووبوونا کرێکاران، هه‌روه‌سان ب هەلکەفتا ڕۆژا کرێکارێن جیهانێ یا کو هەر ساڵ دکەفتە 1ی ئەيارێ، رۆژا ئێک شەمبووێ رێکەفتی ( ٤ / ٥ / ٢٠٢٥ ) ب ئامادەبوونا صالح حه‌یده‌ر بەرپسێ لقا ٢٠ و سردار شێخ یحیی قایمقامێ قەزا شێخان و هه‌ڤال صالح نه‌رمۆ بەرپرسێ نڤیسینگەها جەماوەری یا لقا٢٠ و چەندین بەرپرسێن دام و دەزگەهێن میری و حزبی و ژمارەیه‌كا رەوشەنبير و ماموستايێن دەڤەرێ و کرێکار و مێهڤانێن ئامادەبوویی بنگەهێ لالش شێخان ب هەماهه‌نگی دگەل سەندیکا کریکاران ل شێخان ڕێ و رەسمێن خەلاتکرنا چەندين کرێکاران ل سەندیکا کریکاران ب رێڤەبرن.
ل دەستپێکێ بەرپرسێن ناڤ هاتین، ڕۆژا جيهانى يا كرێكاران ل هەموو كرێكارێن جيهانێ پیرۆزکرن و ب تايبەت كرێكارێن كوردستانێ و ئەرک و ماندووبوونا وان يێ ديار د خزمەتا دەڤەرێ ب بەرز و بلند نرخاندن.
پاشان بنگەهێ لالش تايێ شێخان چەندين كرێكارێن دەڤەرى خەلاتكرن، و د هەمان دەم دا ئەو كرێكارێن هاتينە خەلات كرن سۆز دان د بەردوامبن ژ بو ئاڤەدانا وەلاتێ خۆ و سوپاسيا بنگەهێ لالش شێخان كرن ژ بو پوته دانا وان ب هەموو تەخ و چينان.
تُتاح هذه الصورة أيضا في: کوردی
