تۆرا لالش
ل رێكه‌فتی 4-5-2025ێ ل ناحیا سنوونێ، ئاهه‌نگه‌کا تایبه‌ت هاته ساز کرن بۆ خه‌لاتکرنا قوتابیێن پله‌یێن ئێکێ و دووێ و سێیێ ب ده‌ستڤه‌ئیناین. قوتابیێن قوتابخانێن که‌رسێ، به‌رتاڤ، و هێریکۆ د به‌شدار بوون.
نڤیسینگه‌ها لالش یا بیر ئاده‌می، ب هه‌ڤکاریا ستافێ قوتابخانان و به‌رپرسێن قوتابیان، خه‌لاتێن جۆراوجۆر به‌لاڤ کرن کو دبنه ئه‌گه‌رێ هاندانێ بۆ قوتابیێن دی ژی دا کو پتر هه‌ول بده‌ن و سه‌رکه‌فتیتر بن د خواندنا خوه دا.
ئارمانجا نڤیسینگه‌ها بیرا ئاده‌می ژ ڤێ چالاکیێ، پشته‌ڤانی و هاندانا قوتابیانه و هه‌روه‌سا چێکرنا که‌شه‌کێ دلڤه‌كه‌را بۆ پێشکه‌فتنا زانستێ ل ده‌ڤه‌را مه. ئه‌م دخوازین کو هه‌موو قوتابی د خواندنا خوه دا سه‌رکه‌فتی بن و ببنه که‌سێن ئاڤاكه‌ر بۆ جڤاکا خوه.
كه‌سوكارێن قوتابیان و هه‌روه‌سان كارگیریێن قوتابخانان ژی سپاسیا نڤیسینگه‌ها بیرا ئاده‌می کرن ژ به‌ر ڤێ پشته‌ڤانیا وان د بیاڤێن زانستی دا و دیاركرن كو ئه‌ڤ جۆرهێن چالاکیان دێ قوتابیان هان ده‌ن زێده‌تر ب خونن و هه‌ولبده‌ن، و هه‌روه‌سا دێ کارتێکرنه‌کا باش ل سه‌ر ژیانا وان یا پێشه‌رۆژێ هه‌بت.
د دوماهیکی دا، قوتابیێن سه‌رکه‌فتی ب که‌یف و خۆشی خه‌لاتێن خوه وه‌رگرتن و سۆز دا کو دێ هه‌ر به‌رده‌وام بن ل سه‌ر رێکا سه‌رکه‌فتنێ.
ژلایێ خوه ڤه بیرا ئاده‌می، داخوازا سه‌ركه‌فتنێ بۆ وان هه‌موو قوتابییان د بیاڤێن خواندن و ژیانا وان دا خواستن، و داخوازكرن کو ئه‌ڤ جۆرێن چالاکیان بهێنه زێده‌کرن دا کو هانده‌رێن باشتر ببن بۆ پێشکه‌فتنا زانستێ ل ده‌ڤه‌رێ.
تُتاح هذه الصورة أيضا في: کوردی
