ئایار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وه‌زاره‌تا ناڤخۆ یا عیراقێ : ب هه‌ماهه‌نگى دگه‌ل هه‌رێمێ پترین ژماره‌یێن تۆرێن مادده‌یێن بیهۆشكه‌ر هاتینه‌ گرتن

وه‌زاره‌تا ناڤخۆ یا عیراقێ : ب هه‌ماهه‌نگى دگه‌ل هه‌رێمێ پترین ژماره‌یێن تۆرێن مادده‌یێن بیهۆشكه‌ر هاتینه‌ گرتن
خانى نيوز:

حكومه‌تا عیراقێ ده‌سته‌سه‌ركرنا به‌هرا پتر یا تۆرێن مامه‌له‌كرنێ ب مادده‌یێن بێهۆشكه‌ر ب هه‌ماهه‌نگى دگه‌ل هه‌رێما كوردستانێ راگه‌هاند.
رێڤه‌به‌رییا گشتییا كاروبارێن مادده‌یێن بێهۆشكه‌ر و كارتێكرنێن ده‌روونییا سه‌ر ب وه‌زاره‌تا ناڤخۆیا عیراقێڤه‌، ده‌سته‌سه‌ركرنا به‌هرا پتر یا تۆرێن مامه‌له‌كرنێ ب مادده‌یێن بێهۆشكه‌ر راگه‌هاند، كو دناڤ پارێزگه‌هاندا به‌لاڤببوون.
دبه‌یاننامه‌یه‌كێدا موهه‌نه‌د حاتم سالح په‌یڤدارێ رێڤه‌به‌رییا گشتییا كاروبارێن مادده‌یێن بێهۆشه‌ر و كارتێكرنێ ده‌روونییا سه‌ر ب وه‌زاره‌تا ناڤخۆیا عیراقێڤه‌ بۆ ئاژانسا نووچه‌یێن عیراقێ دیاركر، ژ چارچووڤێ بزاڤێن وان بۆ رووبرووبوونا مادده‌یێن بێهۆشكه‌ر و ب رێكا هه‌ماهه‌نگییا بلند دگه‌ل هه‌رێما كوردستانێ، ئه‌و شیان پترین ژماره‌یا تۆرێن مادده‌یێن بێهۆشكه‌ر ده‌سته‌سه‌ر بكه‌ن و ب هه‌لوه‌شینن.
هه‌روه‌سا گوت : ئه‌و هه‌ماهه‌نگییا دناڤبه‌را وان و هه‌رێما كوردستانێدا هه‌ى، بوو ئه‌گه‌رێ هندێ ل هه‌یڤا ته‌مموزا ئه‌ڤ ساله‌ ده‌سته‌سه‌ركرنا تومه‌تبارێن وان مادده‌یان بگه‌هیته‌ ئاسته‌كى كو نوكه‌ ژماره‌یه‌كا كێم مایه‌ و ده‌سته‌سه‌ركرنا رۆژانه‌ یا وان تومه‌تباران ب رێژه‌یه‌كا بلند كێمبوویه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi