وه‌زیرێ ده‌رڤه یێ توركیا دێ سه‌ره‌دانا هه‌رێما كوردستانێ كه‌ت
گاڤ
وه‌زیرێ ده‌رڤه یێ توركیا د سه‌ره‌دانا خۆ دا بۆ ئیراقێ دێ سه‌ره‌دانا هه‌رێما كوردستانێ ژى كه‌ت و ل گه‌ل سه‌رۆكوه‌زیرێ هه‌رێمێ كۆمبیت.
ئه‌حمه‌د سه‌حاف په‌یڤدارێ وه‌زاره‌تا ده‌رڤه یا ئیراقێ به‌رى نوكه راگه‌هاند بوو كو هاكان ڤیدان دێ ل رۆژا چارشه‌مبیا بهێت سه‌ره‌دانا ئیراقێ كه‌ت.
پێشه‌وا هه‌ورامانى په‌یڤدارێ حكومه‌تێ دیاركر؛ هاكان ڤیدان دێ د چارچووڤه‌یێ سه‌ره‌دانا خۆ دا بۆ ئیراقێ، سه‌ره‌دانا هه‌رێما كوردستانێ ژى كه‌ت و ل گه‌ل مه‌سرور بارزانى سه‌رۆكێ حكومه‌تا هه‌رێمێ كۆمبیت.
دهێته چاڤه‌رێكرن ژماره‌یه‌كا ته‌وه‌ران و ب تایبه‌ت په‌یوه‌ندیێن هه‌ولێر- ئه‌نقه‌ره د سه‌ره‌دانا وه‌زیرێ ده‌رڤه یێ توركیا دا بۆ هه‌رێمێ بهێنه به‌حسكرن.
هه‌روه‌سا د سه‌ره‌دانا هاكان ڤیدان بۆ ئیراقێ دا دێ باده‌كا ئاڤێ و ژماره‌یه‌كا بابه‌تێن جهێ گرنگیپێدانا هه‌ڤپشك هێنه به‌حسكرن.
ئه‌ڤه ب ئێكه‌م سه‌ره‌دانا به‌رپرسه‌كێ بلند یێ توركى بۆ ئیراقێ و هه‌رێما كوردستانێ هه‌ر ژ ده‌مێ ب دویماهیك هاتنا هه‌لبژارتنان ل توركیا و پێكئینانا حكومه‌تا نوى دهێته هژمارتن.
تُتاح هذه الصورة أيضا في: کوردی
