سترانبێژهك:ستران و كهلتۆر بهشهكێ مهزنن ژ دیرۆكا ئێزدیان پێتڤى یه بپارێزین
تۆرا لالش یا راگههاندنێ : رێناس دنایى
سترانبێژێ گهنج(نزار میرزا) بهرنیاسه ب نزار شنگالى،ڤهكۆلینهكا مهزن ل ژێر ناسناڤێ (بهشێن ئهدهبێ فلكلۆرێ دهڤهرا شنگالێ) ئهنجام دایه،د دیدارهكێ دا بۆ دهنگێ لالش دیاركر، ئیرۆ ل سهر مللێن سترانبێژێن گهنج ب ئهركێ خۆ رابن، داكو ئهڤ فلكلۆره هندا نهبت و ژناڤ نهچت، ژبهركو ئهڤ ستران و كهلتۆرێ مه یێ ماى بهشهكێ مهزنن ژ دیرۆكا ئێزدیان و ب رێیا سترانێ دئێنه پاراستن.
نزارى گۆت: ئهو دهرچوویێ پشكا زمانێ كوردى یه ل كولیژا زمانان ل زانكۆیا دهۆكێ، پشتى ژ زانكۆیێ دهرچوویى دهست ب ڤهكۆلین و لێكۆلینان ل دۆر فلكلۆرێ دهڤهرا شنگالێ كریه و ڤهكۆلینهكا مهزن ل ژێر ناسناڤێ (بهشێن ئهدهبێ فلكلۆرێ دهڤهرا شنگالێ) ئهنجام دایه، پشتى كو زانست ژێك هاتینه جوداكرن و ڤهكۆلهر و زانایا زانست ژ ئێك جوداكرین و ههر زانستهكى سهربهخۆیهك وهرگرت فلكلۆر ژى ئێك ژ وان زانستایه كو ژ داهێنانا خهلكى یه رامانا وێ ژى ژ دوو برگێن زمانێ ئینگلیزى پێك دئێت(folk u lore)كو جارا ئێكێ ل ئێك ژ رۆژنامێن بریتانى هاتیه بهلاڤكرن،سترانێ ژى گهلهك جۆر ههینه و ههر مللهتهك لگۆر فلكلۆر و كهلتۆرێ خۆ سترانا خۆ دابهش دكن، جۆرێن سترانێن مه ئێزدیا وهك (خزێمۆك ـپایزۆك ـ روبارۆك ـ سترانێ ئهڤینێ و پهسته و پێگۆتن)ن، دابهشكرنا سترانێ دگهل ئهدهبى سترانا فلكلۆرى پێكڤه سترانهكا خۆمالى یه ههموو بهرههمێ جڤاكێ مهیه و كارتێكرنا هیچ نهژادهكى لێنهبوویه لێ پشتى هاتنا دیانهتێن دى و زمانێن جودا جودا و مللهتێن جودا هاتینه دهڤهرێ ئهو مللهت بوونه ئهگهر كو گهلهك ژ كهلتۆرێ مللهتێ كورد و ب تایبهت ئێزدیان هندا ببن،وان مللهتا گهلهك ژێ تالانكر و ئهدهب و كهلتۆرێ خۆ ل سهر مللهتێ ئێزدى سهپاندن، دهما فهرمانهك یان جینۆسایدهك ب سهر مللهتهكى دا دئێت نهكو ب تنێ ژلایێ تالانكرن و كوشتنێ بهلكو زمان و جلوبهرگێن وى نهژادى ژى دئێنه گهۆرین ههتاكو خوارن و ڤهخوارن ژى گهۆرین ب سهردا دئێن.
زێدهتر گۆت:ئهڤ فلكلۆرێ هنده مهزن ب مخابنى ڤه ژ ههر لایهكى ڤههاتیه پشتگوهـ هاڤێتن و ههتاكو ژلایێ قوتابى و ڤهكۆلهر و نڤیسكارێن مهژى ڤه پشتگوهـ هاڤێتیه،ئهگهر ژى بۆ كاودانێن ئابوورى یان ژى ژلایێ كهسى ب خۆژى دزڤرن، ئیرۆ ل سهر مللێن سترانبێژێن مه یێن گهنج ب ههر شێوهكى چ ب نڤیسین یان گۆتن ب ئهركێ خۆ رابن،داكو ئهڤ فلكلۆره هندا نهبت و ژناڤ نهچت،ژبهركو مه ئێزدیا چ زانستێن دى نهبووینه وهك مللهتێ یۆنانیا و رۆمانیا،زانستێ كو ب تنێ ئهم دكارین ل جهم خۆ بهێلین ئهڤ ستران و كهلتۆرێ مه یێ ماى بهشهكێ مهزنه ژ دیرۆكا ئێزدیان و ب رێیا سترانێ دئێنه پاراستن.
س.س
تُتاح هذه الصورة أيضا في: کوردی