خودێ زارۆيه‌ك ب رسقێ ده‌خيل و ساميايا ڕزگاربوويا ژ ده‌ستێ داعشێ كر
تۆرا لالش/هۆگر نەجیب
چيرۆكا ده‌خيل و ساميايا هه‌ڤژينا وى ڕه‌نگه‌ڤه‌دانه‌كا مه‌زن ل دووڤ خۆ ئانى،ساميا نەهــ سالان ژلايێ داعشێ ڤه هاتبوو گرتن ل سالا بۆرى هاته ڕزگاركرن و پشتى چاڤه‌رێبوونه‌كا درێژ هه‌ردوويان بريار دا دووباره هه‌ڤژينيێ پێكبينن ڤه و داوه‌تا خۆ كرن و نۆكه ژى خودێ زارۆيه‌ك ب رسقێ وان كريه.
ده‌خيل حه‌سه‌ن هه‌ڤژينيێ ساميايێ بۆ(تۆڕا لالش)دبێژت:ڕێکخراوا تیرۆرستى يا داعشێ ل ۳ی تەباخا۲۰۱٤ێ هێرشی دەڤەرا شنگالێ کر و زولم و ستەمەکا مەزن د دەرهەقێ ئێزديان دا ئه‌نجامدا، هەڤژینا من د وێ کۆمکووژیێ دە رەڤاندن و د پەریشانیێ دە بەردەوام یێ ب هیڤی بووم ڕزگار بت، ئه‌و ژى پشتی چاڤەرێبوونەکا زۆر ژ نەخۆشی و دەردەسەرییان ل سالا بۆرى ب پشتەڤانییا نڤیسينگەها ڕزگاربوویێن ئێزدی ژ ده‌ستێ تيرۆرستێن داعشێ هاته ڕزگاركرن و ب دیتنا هەڤدوو شاد بووين و ئێکسەر مە برياردا داوەتا خۆ بكه‌ين و دوهى ڕۆژا دووشه‌مبوويێ 1/4/2024 خودێ زارۆکەك ب رزقێ کر و ناڤێ وی کریە دلگەش.
گۆت ژى ل پێش چاڤێن هەموو جیهانێ مە داوەتا خۆ كر و بۆ خه‌لكه‌كێ دياركر ئێزدى ڕێزه‌كا مه‌زن ل كچ و ژنێن ڕزگاربووى دگرن،هیڤیدارم هەموو گرتيێن ئێزدی يێن تا نۆكه دناڤا ده‌ستێ تيرۆرستان دا ماين بێنە ڕزگارکرن و ب هیڤيێن خۆ شاد بن.
تُتاح هذه الصورة أيضا في: کوردی
