چالاكڤانێن بەردەرەش سەرەدانا دەستەیا بلندا بنگەهێ لالش دكن
تۆرا لالش یا راگەهاندنێ
ل رێككەفتی 8/5/2017ێ،شاندەكێ چالاكڤانان ژ باژاركێ بەردەرەش یێ پێكهاتی ژ “ئەمیرا گوران”بەرپرسا بنگەهێ(شازادەی)یێ ژنێ و “مقداد كاكل”بەرپرسێ سەنتەرێ گەنجان،سەرەدانا نڤیسینگەها لالش دهۆك كرن.
شاندێ سەرەدانكری ژ بال”دلشاد سالح مادو”بەرپرسێ نڤیسینگەها لالش ڤە هاتە پێشوازیكرن،دهەڤدیتنێ دا بەحسێ رەوشا گەنجان و ژنێ كرن و چاوانیا ڤەكرنا خۆ خۆلان و پێشڤەبرنا شیانێن وان.
پاشی شاندی سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر،كو ژبال”شەمۆ قاسم”بەرپرسێ لژنا رەوشەنبیری و “زهێر بیبۆ”ئەندامێ بنگەهێ و “خشو شنگالی”بەرپرسێ بنگەهێ لالش تایێ شنگالێ ڤە هاتە پێشوازیكرن،پاش شەمۆ قاسم كورتیەك ل سەر بنگەهێ لالش و رۆلێ مەزنێ پێ رادبت دحەموو بیاڤان دا پێشكێشكر.
ژبال خۆڤە شاندێ مێڤان سوپاسیا ئەندامێن بنگەهێ لالش كرن،بۆ پێشوازییا ل وان هاتی كرن و دووپات ل سەر سەرەدانان دناڤبەرا هەردوو لایان و هەماهەنگیێ ل سەر حەموو بیاڤان دا كرن.
تُتاح هذه الصورة أيضا في: کوردی
