May 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nêçîrvan Barzanî: Kurdistan, dê her welatê hemû pêkhateyan bimîne

Nêçîrvan Barzanî: Kurdistan, dê her welatê hemû pêkhateyan bimîne

BasNews – Serokê Herêma Kurdistanê Nêçîrvan Barzanî bi boneya sersala nû ya Babilî Aşûrî û Cejna Ekîto peyamek belav kir û ragihand, hemû pêkhateyan piştrast dikin ku Herêma Kurdistanê wek hertim dê niştimanê hemûyan bimîne.
Di peyama Nêçîrvan Barzanî de hatiye diyarkirin: “Sersala nû ya Babilî Aşûrî û Cejna Ekîto li xwişk û birayên kildanî, asûrî û suryanî yên li Herêma Kurdistanê, Iraqê û li hemû cîhanê bi germî pîroz dikim. Ji wan re serkeftin û cejn û bênvedanek şad û aram dixwazim.”
Nêçîrvan Barzanî destnîşan dike: “Di vê helkeftê de em tekîdê li ser parastina wekheviyê, mafê mirovî, azadiyan û pêşvebirina çanda pêkvejiyan, hevduqebûlkirin û toleransê di navbera hemû pêkhateyên olî û neteweyî yên Kurdistanê da dikin, herwisa, em xwişk û birayên kirîstiyan û hemû pêkhateyan piştrast dikin ku Herêma Kurdistanê wek hertim dê niştimanê hemûyan bimîne.”
Di dawiya peyama xwe de Serokê Herêma Kurdistanê diyar dike: “Cejna Ekîto li hemûyan pîroz be, hemû salan bi xweşî be.”

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi